Ehtiram Xəlilov aksizli malların qaçaqmal yolu ilə ölkyə gətirilməsini, həmçinin satışına nəzarəti həyata keçirilir

Şrift : |
Tarix :11-11-2019, 05:36
Bölmə : Cəmiyyət
Kömək :    
Like :
Like :

    Bir neçə il öncə mətbuatda yayılan məlumatlara görə, aksizsiz malları ölkəyə gətirən şəbəkəyə Dövlət Gömrük Komitəsinin Aksiz Baş Gömrük İdarəsinin rəisi general mayor Ehtiram Xəlilovun rəhbərlik etdiyi iddia olunur.

    Həmçinin iddia olunurdu ki, Ehtiram Xəlilova aid olan "TIR”lar Rusiyadan, (Dağıstandan), spirtli içkilər gətirirlər və bu spirtli içkilər gömrük qeydiyyatından keçmir.

    7GUN.az qlobal.az-a istinadən xəbər verir ki, bu gün Azərbaycanın bütün marketlərində aksizsiz siqaretlər və demək olar ki, bütün şadlıq evlərində bir çox restoranlarda aksizsiz spirtli içkilər satılır. Bütün bunlar açıq şəkildə baş verir və aksizsiz malların qanunsuz olaraq satışının qarşısı bəzi hallarda alınmır.

    Qarşısının alınmamasının səbəbi isə birdir. Aksizsiz mallarıın ölkəyə gətirilməsinin qarşısını almalı olan və satış məntəqələrindən aksizsiz malları toplayaraq dükan sahiblərini cəzalandırılmalı olan qurum – Dövlət Gömrük Komitəsinin Aksiz Baş Gömrük İdarəsi aksizsiz malların ölkəyə gətirilməsini və onların satışını özlərinin əsas biznes sahəsinə çeviriblər.

    Xatırladaq ki, bir müddət əvvəl mətbuat (bir çox saytlarda) Astara Gömrük İdarəsində aksiz malların ölkəyə necə keçirilməsi ilə bağlı araşdırma yazı ilə çıxış etmişdi. Bu mövzu ilə əlaqədar olaraq ikinci araşdırma yazımızı oxucularımızın diqqətinə cəlb edirik. Sayt bu dəfə araşdırmalarını Tovuz və Xaçmaz Gömrük İdarələrində aparıb.

    Öncəliklə qeyd edək ki, aksizsiz malların ölkəyə qanunsuz olaraq keçirilməsi mükəmməl şəkildə şəbəkələşdirilib və demək olar ki, ölkəninin bütün sərhəd keçid məntəqələrində aksizsiz malların ölkəyə keçirən mütəşəkkil dəstələr fəaliyyət göstərir. Və böyük təəssüflə qeyd etməliyik ki, bu şəbəkələrə sərhəd keçid məntəqələrinin rəisləri başçılıq edirlər.

    Məlumata görə isə mərkəzdə isə bu şəbəkəyə Dövlət Gömrük Komitəsinin Aksiz Baş Gömrük İdarəsinin rəisi general mayor Ehtiram Xəlilov rəhbərlik edir. Ehtiram Xəlilov aksizli malların qaçaqmal yolu ilə ölkyə gətirilməsini, həmçinin satışına nəzarəti həyata keçirilir. Bu qeyri-rəsmi "biznes”dən hər ay yüz min manatlarla gəlir əldə edilir.

    Ümumilikdə isə aksizsiz malların aylıq satış dövriyyəsi hər ay bir neçə milyon manat təşkil edir. Daha əvvəllər isə yerli MTN idarələrinin vasitəsi ilə hazırda həbsdə olan MTN generalı Akif Çovdarovun da Ehtiram Xəlilova şərik olduğu bildirilir. Hazırda isə yerli DTX şöbələrinin işçiləri prossesə qətiyyən müdaxilə etmirlər və könüllü olaraq bu gəlirli biznesdən kənarlaşıblar. Buna səbəb isə yeni rəhbərliyin şansı mövqedən çıxış edəcəyi ilə bağlı məlumatsız olmalarıdır.

    Qeyd edək ki, birinci yazıda aksizsiz siqaretlərin Astara Gömrük İdarəsindən idarə rəisi Sücəddin Hüseynovun qaynının rəhbərlik etdiyi şəbəkəninin iş sxemi barədə məlumat verilmişdi. "Qırmızı körpü”, ("Sınıq körpü”), sərhəd keçid məntəqəsindən aldığımız məlumatda da şəbəkəyə birbaşa Tovuz Gömrük İdarəsinin rəisi Mehman Sadıqov şəxsən rəhbərlik edir.

    Astarada olduğu kimi burda da əsasən yerli sakinlərdən istifadə olunur. Lakin aldığımız məlumata görə digər bir şəbəkə də sərhədin Gürcüstan hissəsində, Gürcüstan sərhəd keçid mənqəsində fəaliyyət göstərir. Həmin şəxslər sərhədi keçən insanlardan, qadın, kişi, fərqi yoxdur, Azərbaycan tərəfə 3-5 blok siqaret keçirməyi xahiş edirlər.

    Və bunu elə bir şəkildə edirlər ki, qarşı tərəf "yox” deyə bilmir. Sərhədin Azərbaycan tərəfində isə onlardan həmin siqaretləri gömrük işçiiləri alır.

    Qeyd edək ki, qanunvericiliyə əsasən hər kəs 600 ədəd siqareti aksiz vergisi ödəmədən ölkəyə gətirə bilər. 3 blokdan artıq siqaret keçirənlərə isə gömrük işçiləri sadəcə göz yumurlar. Çünki həmin siqaretləri sərhədi keçən vətəndaşlar elə Gömrük işçilərinə təhvil verirlər.

    Xaçmaz Gömrük İdarəsindən aldığımız məlumatlarda eyni prosesin baş verdiyi bildirilir. Bütün digər sərhəd keçid məntəqələrində olduğu kimi, burda da şəbəkəyə Xaçmaz Gömrük İdarəsinin rəisi Azər Məmmədov və paralel olaraq Samur buraxılış məntəqəsi, Yalama buraxılış məntəqəsi, Xudat(Xanoba) buraxılış məntəqəsi, Şirvanovka sadələşdirilmiş buraxılış məntəqəsi, Zuxul sadələşdirilmiş buraxılış məntəqələrinin rəisləri rəhbərlik edirlər.

    Qeyd edəki, Tovuz Gömrük İdarəsinin rəisi Mehman Sadıqov və Xaçmaz Gömrük İdarəsinin rəisi Azər Məmmədov və Dövlət Gömrük Komitəsi sədri Səfər Mehdiyevin yaxın adamları kimi tanınırlar. Mehman Sadıqovun Azər Məmmədovla yaxın dost və kirvə olduqları da bildirilir.

    Onu da qeyd edək ki, bir müddət əvvəl mətbuatda Azər Məmmədovun Xaçmaz Gömrük İdarəsinin rəisi təyin olunması üçün Səfər Mehdiyevə 1 milyon manatlıq hədiyyə və Mehman Sadıqova "Porsche” markalı ( dövlət nömrə nişanı 90TR090) avtomobil hədiyyə etməsi ilə bağlı məlumat yayılıb. Həmin məlumat qarşı tərəfdən hələ də təkzib olunmayıb.

    Həmçinin mənbə bildirir ki, Ehtiram Xəlilova aid olan "TIR”lar Rusiyadan, (Dağıstandan), spirtli içkilər gətirirlər. Həmin "TIR”ların malları bir qayda olaraq sərhəd keçid məntəqəsində qeydiyyata alınmırlar. Bu barədə daha ətraflı növbəti yazımızda.

    Yazıda adı keçən şəxslərin və qurumların mövqeyini dərc etməyə hazırıq. 


Xəbər lenti

Beynəlxalq təşkilatlar vəkillərlə bağlı çağırış edib

Seçki oyunu -VİDEO

"Oktayın ağ ciyərində, qanında infeksiya olduğuna görə aintibiotiklər vurulurdu" -Firuzə Gülalıyeva

AİHM Rafiq Tağının işi üzrə qərarı elan edib

AİHM Bəybala Əbillə bağlı qərarını elan etdi

Masallı rayon Məhkəməsinin qətnaməsindən apellyasiya şikayəti verildi

Oqtay Gülalıyevlə bağlı beynəlxalq hüquq-müdafiə təşkilatlarına çağırış olundu

"RUN Group" MMC-nin xanım rəhbəri niyə susur? -VİDEO

Xəstələrə əzab verən Müalicə Müəssisəsi -VİDEO

"Cahid Hilaloğlu" mükafatı təqdim edildi -FOTOLAR

10 AA 322 seriyalı avtomobil sürücüsü mövcud qanunvericiliyin tələblərinə niyə riayət etmir? -VİDEO

"İşıq xətti qəfil qırılıb düşə bilər" -Qəbələ rayonundan FOTOLAR

"Bizə dedilər 6 aydan sonra müraciət edə bilərsiniz" -Vüqar Qurdqanlı

Masallı rayon Maliyyə İdarəsi faizə otuzdurulub?

"Dövlət, hökumət başçıları özünü kral, şah zənn etməsinlər, xalqa xidmət etsinlər" -Əli Kərimli

Cəlilabadda süqut edən təhsil sistemi : İTTİHAM

Elxan Hüseynov “köhnə bazara yeni qiymətlər”gətirib? -Sumqayıt Dövlət Universitetində problem

Vəkil:"Mən o qədərmi axmağam ki, o icraat gedə-gedə üzvlük haqqı ödəməyim?"

Prezidentin köməkçisinə general-polkovnik rütbəsi verildi

Məhkəmə jurnalisti cərimələdi : "Sifarişli qərardır"

“Taliban bizimlə razılıq əldə etmək istəyir və biz onlarla görüşürük” -Donald Tramp

Azərbaycanda yeni Ombudsmanı Səbinə Əliyeva oldu

"Haqq ədalət uğrunda mübarizə aparmış adam indi də tək, meydanda həyatı uğrunda mübarizə aparır" -Təbriz Gülalıyev

Polis “Müsəlman Birliyi” Hərəkatının tədbirinə imkan vermədi

"Bu yaşdan sonra hara gedəcəyik, necə yaşayacağıq?” – Tanımış həkim

Təqvim

«    Dekabr 2019    »
BeÇaÇCaCŞB
 1
2345678
9101112131415
16171819202122
23242526272829
3031 

Bizi izləyin

Təsisçi və baş redaktor: Cavid Şirəliyev
Tel/Whatsapp: (+99450) 300-17-96 | (012) 555-65-95
E-mail: 7gun@mail.ru
Ünvan: Bakı şəhəri, Nəsimi rayonu, A.Məhərrəmov küçəsi 30/14
© 2011. Bütün hüquqları qorunur. Məlumatlardan istifadə etdikdə istinad vacibdir.
Məlumat internet səhifələrində istifadə edildikdə müvafiq keçidin qoyulması mütləqdir!
Mobil versiya