7 kəndin 70 dərdi: UÇMUŞ KÖRPÜ, ƏLDƏN ÇIXMIŞ TORPAQ VƏ EVLƏRƏ SOXULAN İLANLAR

Şrift : |
Tarix :1-07-2019, 20:55
Bölmə : Bölgə
Kömək :    
Baxılıb : 49 dəfə
Like :
Like :

    Masallı rayonun 7 kəndini birləşdirən bir icra nümayəndəliyində bir sıra problemlərin illərdir həll olunmamış qalması camaatı ciddi narahat edir. 7GUN.az Jamaz.info-ya istinadən xəbər verir ki, Güllütəpə Ərazi İcra Nümayəndəliyinə daxil olan bu kəndlərin bir qisminin problemi bu yaxınlarda həllini tapıb.

    Yol, qaz çəkilib, amma hamısına yox

    Belə ki, Güllütəpə, Tatyanoba, Əmirtürbə və Yeni Zuvand kəndlərinə yeni asfalt yolun çəkilişi başa çatıb. Dövlət başçıs tərəfindən ayrılmış 6.8 milyon manat vəsait hesabına qurulan yeni yol yerdə qalan Yolağac, Yuxarı Zuvand kəndlərinə qədər uzanmayıb. Yerli İcra Hakimiyyətindən bildiriblər ki, hələlik bu kəndlərə yol çəkilməsi üçün vəsait ayrılmayıb. Lakin yaxın illərdə bunun reallaşacağına söz veriblər.

    Qeyd edək ki, sözügedən kəndlərə təbii qaz xətti də çəkilib. Bu ilin Novruz bayramında əhalinin istifadəsinə verilən təbii qazın verilişində problem yoxdur. Lakin bu xəttin çəkilməsi də yarımçıq həyata keçirilib. Çünki eyni xətt Yeni Zuvand və Yolağac kəndlərinə qədər uzanmalı olduğu halda, bəlli olmayan səbəblərdən çəkilişi dayandırılıb.

    7GUN.az-ın məlumatına görə Yeni Zuvand kənd sakinləri jamaz.info-ya bildiriblər ki, qaz xətti onların kəndlərinin girəcəyinə qədər çəkilib. Lakin kəndə çəkilişi dayandırılıb. Onların iddialarına görə, dövlət büdcəsindən Yeni Zuvand və Əmirtürbə kəndlərinə qaz xəttinin çəkilməsi üçün vəsait də alınıb. Bununla əlaqədar Masallı İcra Hakimiyyətinə gedib, icra başçısı ilə görüşmək istəyirlər. Onlar qışda əziyyət çəkdiklərini, odun sobalarının hesabına soyuq ayları başa vurduqlarını bildirirlər.

    Məsələ ilə bağlı araşdırmamız nəticəsində məlum olub ki, Yeni Zuvand və Əmirtürbə kəndlərinə təbii qaz xətlərinin çəkilməsi məqsədi ilə dövlət büdcəsindən hər hansı vəsait ayrılmayıb. Amma həmin xəttin çəkilməsi bu ilin dövlət büdcəsinin smetasına salınıb. Bununla əlaqədar layihə də hazırdır. Elə Masallı İcra Hakimiyyətindən bildiriblər ki, 2019-cu il ərzində sözügedən iki kəndə qaz xəttlərinin çəkilişi reallaşdırılacaq. Onlar sadəcə vəsaitin ayrılmasını gözləyir və bunun ardından zəruri addımları atacaqlar.

    Bu xəttin Yolağac kəndinə qədər uzanacağı barədə isə heç bir məlumat yoxdur. Güman edilir ki, bu kənd yaxın bir neçə ildə qazla təmin olunmayacaq.

    İlanlar evlərə soxulur

    Bu kəndlər əsasən dağlıq zonada yerləşir. Burovar dağ silsiləsinin ətəyində, təpələrin əhatəsində yerləşən Güllütəpə kəndinin sakinləri bu ilin yayından etibarən qəribə vəziyyətlə üzləşiblər. JAMAZ.İNFO xəbər verir ki, vəziyyəti qəliz edən səbəb havalar istiləşdikdən sonra ilanların sayının çoxalmasıdır. Hətta sakinlər durumun kritik olduğunu da deyirlər.

    Belə ki, müxtəlif növ zəhərli ilanlar artıq heyvanlara hücum edir, evlərə soxulur, həyətlərdə məskən salaraq sakinləri qorxudurlar. Camaat deyir ki, çox uzun illər əvvəl belə vəziyyətlə üzləşiblər. Son günlər isə durum daha kritik şəkil alıb. Onların sözlərinə görə, bəzi hallarda ilan əlindən uşaqları evdən həyətə buraxa bilmirlər. Heyvanlara hücum edən zəhərli sürünənlərin kənd camaatının bir neçə mal-qarasını tələf etdiyi də deyilir.

    Camaat nə edəcəyini bilmədiyini deyir. Onlar qeyd edirlər ki, imkanı olanlar bazardan dərman alaraq, həyətinə səpərək təhlükədən qurtula bilib. Amma çox insanın belə imkanı olmadığından səksəkədə yaşayır.

    182 ha torpaq sahəsi camaatdan alınıb

    Yeni Zuvand kəndinin sakinləri bu ərazilərə ötən əsrin 70-ci illərində köçürülüblər. 1100 nəfərdən ibarət kəndin bütün çıxışları meşə ərazilərinədir. Elə bu səbəbdən də onlara əkin-biçin üçün verilmiş yerlər də bir zamanlar Meşə Təsərrüfatı İdarəsinin balansında olub.

    Müstəqillikdən sonra bu ərazilərdə əkinçilik və maldarlıqla məşğul olan zuvandlılar son günlər ETSN-lə problem yaşamalı olublar. Kənd camaatının dediyinə görə, bu günlərdə 182 hektar torpaq sahəsi əhalinin əlindən alınıb. Buna səbəb kimi, həmin ərazilərin meşə torpaqları olduğu və orada yeni bağların salınması nəzərdə tutulub. Kənd sakinlərinin narazılığına baxmayaraq, yerli qurumlar başqa çıxış yolu olmadığını onlara çatdırıblar.

    Zuvand camaatı deyir ki, 182 hektar torpaq sahəsi meşə təsərrüfatına məxsusdursa, buna etirazları yoxdur. Amma bu qədər insanın illərlə əkib-becərdiyi və dolanışığını qurduğu torpaq onlardan alınırsa, əvəzində onlara yeni sahələr versinlər ki, insanlar damanda qalmasınlar. Bu istəklərinə isə indiyə qədər hər hansı münasibət bildirilməyib.

    350 ailə faciənin bir addımlığında

    Tatyanoba kəndi öz qədimliyinə görə, tarixə düşüb. Bu kəndin hər qarışında qədim dövrlərə aid tarixi nümunələr tapmaq mümkündür. Tatyan çayı boyunca bir ara aparılan arxeoloji qazıntılar zamanı üzə çıxan yüzlərlə mədəniyyət və tarix nümunəsi mütəxəssislərin özlərini belə heyran qoyubmuş.

    7GUN.az jamaz.info-ya istinadən bildirir ki, 350 evdən ibarət olan kənd camaatı isə səksəkədədir. Çünki bu kəndə giriş və çıxış yalnız çayın üzərindən mümkündür. Tatyan çayı üzərində 80-ci illərdə inşa edilmiş körpü isə qəzalı vəziyyətdədir.

    Kənd sakinləri bildirirlər ki, körpünün üzərindən keçərkən insanlar kəlmeyi-şəhadətlərini oxuyurlar. Çünki körpünün əsas dayaqları sıradan çıxıb, bir hissəsi isə çöküb. Məsələ ilə bağlı Masallının icra başçısı dəfələrlə kənd camaatı ilə görüşərək, körpüyə baxış keçirib. Lakin bütün bunlara baxmayaraq, körpünün təmir edilməsi və ya yenidən qurulması ilə bağlı hər hansı tədbir görülməyib.

    Kənd sakini Zaur Səmədbəyli bildirib ki, 350 evdən ibarət olan kəndin körpüsü ilə bağlı dəfələrlə rəsmi qurumlara, icra nümayəndəsi və bələdiyyəyə müraciət ediblər. “İnsanlar körpünü qorxa-qorxa keçirlər. Rəsmi qurumlara məlumat vermişik. Gəlib baxıblar, amma heç bir faydası olmayıb. Bizlər həyatımızla oynayırıq. Artıq öyrəşmişik. Rəsmi qurumlar gözləyir ki, kimsə körünün ucması nəticəsində tələf olsun, sonra işə başlasınlar. İndidən bu işə əncam çəksinlər. Kimsə ölməsin”.

    Gənclər işsizlikdən əziyyət çəkir

    Güllütəpə İnzibati Ərazi vahidliyinə Güllütəpə, Tatyanoba, Obalar, Yeni Zuvand, Yuxarı Zuvand, Əmirtürbə və Yolağac kəndləri daxildir. Üst üstə bu kəndlərdə seçici sayı 4000 min nəfərə yaxındır. Kənd camaatının əsas məşğuliyyəti əkinçilik və maldarlıqdan ibarətdir ki, ərazilərin azlığı nəticəsində tutarlı nəticə də əldə etmək olmur. Çünki heyvan saxlamaq üçün geniş ərazilər yoxdur, varsa da meşə massivləridir ki, orada əkilmiş yeni ağaclara görə, mal-qaranın girişinə qadağa qoyulub. Yerdə qalan torpaqlar isə əkin üçün nəzərədə tutulduğundan heyvandarlıq üçün istifadə oluna bilmir.

    Sakinlər deyir ki, cavan uşaqlar işsizlik üzündən kəndləri tərk edirlər. Onlar bildirirlər ki, Rusiya və Bakıya üz tutan gənclər də çox vaxt geri qayıtmırlar. Camaatın sözlərinə görə, dövlət qurumları kənddə məşğuliyyət üçün tədbir görməlidir. “Övladlarımız işsizlik üzündən evlərini tərk edirlər. Hərəsi bir diyara üz tutur. Əgər bu kəndlərdə, hətta rayon mərkəzində iş yerləri, zavod, fabrik olsaydı onlara uzağa getməzdilər, elə gedib orada işləyərdilər. Bizim də övladlarımız göz qabağında olardı”.

    Vaxtıyla kənddə xalçaçılığın geniş yayıldığını, turizm üçün potensialın olduğunu, balıqçılıq təsrrüfatlarının yaradılmasına imkanın mövcudluğunu deyən sakinlər rəsmi qurumlardan zəruri addımlar atılmasını istəyirlər.


    7 kəndin 70 dərdi:
    7 kəndin 70 dərdi:
    7 kəndin 70 dərdi:
    7 kəndin 70 dərdi:



Xəbər lenti

7 kəndin 70 dərdi: UÇMUŞ KÖRPÜ, ƏLDƏN ÇIXMIŞ TORPAQ VƏ EVLƏRƏ SOXULAN İLANLAR

Masallı Regional Meşə Təsərrüfatında Şahin Cəfərov Abturab Bağırov qanunsuluqları -(FOTOLAR)

Etirazlar zamanı bir çox jurnalistlər yaralanıblar -Gürcüstanda

Reportyor dövlətə xəyanət ittihamı ilə ömürlük həbs edilə bilər -Sərhədsiz Reportyorlar

Keçid dövründə Güc və Hakimiyyət

Cavid Şirəliyev Mətbuat Şurasına cavab verdi

Hakimiyyətin yüksək eşelonunda son dəyişikliklərin arxasında nə durur?

Cavid Şirəliyev: "Araşdırmaçı və tənqidçi jurnalistlərin bir çoxu ölkədən didərgin salınmışlar"

İlham Əliyev Vladislav Kanevskinin etimadnaməsini qəbul edib

Saatlı Rayon İcra Hakimiyyətinin başçısı vəzifəsindən azad edilib

Rəfael Mehralıyev kimdir?

Xəzər rayonunda 3 nəfər bıçaqlandı

Azərbaycanın Xarici Işlər Naziri Fransa prezidentinin müşaviri ilə görüşüb

Siyasi mühacirlər Azərbaycanda onların qohumlarına təzyiqlərin olduğunu bildirirlər Cəmiyyət

Qiyas İbrahimov ölkədən çıxarkən saxlanılıb

Ramil Usubov Ziya Məmmədovun qardaşı oğluna vəzifə verdi

Almaniya və Azərbaycan arasında siyasi məsləhətləşmələr olacaq

Gəncədə saxlanılmış etiraz iştirakçıların azad ediliblər

Mayın 13-də heç bir şey imzalanmayacaq

Azad Həsənovun işi üzrə məhkəmədə

Gəncədə etiraz aksiyası keçirilib

Jurnalist Əfqan Muxtarlının səhhəti pisləşib

Sədr istefa ilə bağlı SÖZÜNÜ TUTACAQMI?

Təqvim

«    İyul 2019    »
BeÇaÇCaCŞB
1234567
891011121314
15161718192021
22232425262728
293031 

Bizi izləyin

Təsisçi və baş direktor: Cavid Şirəliyev
Baş redaktor: Vidadi Sultan
Tel/Whatsapp: (+99450) 300-17-96
E-mail: 7gun@mail.ru
Ünvan: Bakı şəhəri, Nəsimi rayonu, A.Məhərrəmov küçəsi 30/14
© 2011. Bütün hüquqları qorunur. Məlumatlardan istifadə etdikdə istinad vacibdir.
Məlumat internet səhifələrində istifadə edildikdə müvafiq keçidin qoyulması mütləqdir!