Masallı sakini: "Əsgərlikdə xəstəlik tapdım, pensiya ala bilmirəm"

Şrift : |
Tarix :16-10-2018, 02:12
Bölmə : Bölgə
Kömək :    
Baxılıb : 84 dəfə
Like :
Like :

    "Mən atamın evində xəstələnməmişəm axı''

    "Hərbi xidmətdə xəstəlik tapdım. Amma dövlət mənə təqaüd ayırmır. İllərdir ailəmi zorla dolandırıram, çətinlik çəkirəm, görən yoxdur".

    Masallının Qarğalıq kəndinin 31 yaşlı sakini Ramil Əliyev belə deyir.

    Onun sözlərinə görə, hərbi xidmətə 2005-ci ildə çağırılıb. Çətinliklə də olsa, bir il bir ay əsgərlik çəkib. Sonra ağır xəstələnib. Diaqonozu vərəm olub:

    "Bundan sonra məni təxris etdilər, çünki ciyərlərim pis gündə idi. Beləliklə, 1 il bir aydan sonra təxris olundum. O vaxtdan bəri xəstəxanada qeydiyyatdayam. Ancaq təqaüd ala bilmirəm. Cəmi 5 ayım qalmışdı əsgərliyimin bitməsinə. Mən atamın evində xəstə düşməmişəm, dövlətin hərbi xidmətini çəkəndə olub. İndi niyə məni süründürür, niyə yardım etmirlər, anlamıram".

    R. Əliyev deyir ki, xəstələnməsinə səbəb hərbi xidməti soyuq yerdə çəkməsidir:

    "Murovda qulluq etmişəm. Qışı dəhşətli soyuq keçirdi. Zəif adamam, soyuqladı ciyərlərim, dözmədi".

    Bir uşaq atası olan Ramil Əliyev deyir ki, valideynlərinin ümidinə qalıb:

    "Bir övlad kimi mən işləyib atama-anama baxmalıyam. Amma tərsinədir, onlar mənə kömək edirlər. Kirayə qalıram, evim də yoxdur. Üstəlik, demək olar ki, mənə aid iş yoxdur. Olanların da hamısı ağırdır. Mənim o cür ağır işlərdə işləmək, tərləyib, xəstələnmək kimi bir şansım yoxdur. Xəstələnsəm, o dünyalıq olaram. Özümü qorumalıyam. Ancaq mən bu gün işləyib, özümə, ailəmə baxa bilmirəm. Vərəm də elə bir xəstəlikdir ki, heç vaxt tamamilə sağalmır. Həmişə ciyərlərdə nöqtə də olsa, qalır. Ondan sonra bir balaca soyuqlayan kimi də üzə çıxır, adamı pis günə qoyur. Özümü qorumalıyam, bəli, belə olanda da ailəmi dolandıra bilmirəm".


    Ramil Əliyev deyir, illərdir müalicə alır. Ancaq əsgərlikdə yoluxduğu bu xəstəliyə görə dövlətdən pensiya ala bilmir:

    "Dəfələrlə aidiyyatı qurumlara məktubla müraciət etmişəm. Səhiyyə Nazirliyində qəbulda da olmuşam. Yoxlayıblar, bəli, onlar bilirlər ki, mən əsgərlikdə tutmuşam bu xəstəliyi. Ancaq kömək etmək istəyən yoxdur. Ən son bizim mərkəzi xəstəxana dedi ki, sənin sənədlərini Bakıya, nazirliyə göndərmişik. İkinci dəfə necə olduğunu soruşanda nazirlikdən bildirdilər ki, guya təqaüd düşmür. Niyə düşmür? Mən atamın evində xəstələnməmişəm axı. Soyuqda, qarda, qışda, dağda qulluq etdiyim üçün bu vəziyyətdəyəm".

    Şikayətçi deyir ki, bu gün heç sağlam adamlar da iş tapa bilmir:

    "Kiçik yerdi, hamı bilir, kimsə işə də götürmək istəmir. Mən nə edim? Övladımı, ailəmi necə dolandırım? Dövlət əsgərliyə apara bilirdi, indi dəstək vermək bu qədər çətin olmamalıdır axı. Oğlum ikinci sinifdə oxuyur. Yaxşı təhsil vermək, ürəyim istədiyi kimi böyütmək istəyirəm. Alınmır, çətindir, imkanım çatmır. Mən çox şey istəmirəm. Əsgərlikdə sağlamlığımı itirmişəm, buna görə müəyyən kompensasiya, aylıq təqaüd ayırsınlar. Kirayə yaşayıram, məktəbli övladım var. Çətindir, çətinliklə yaşayıram".

    Meydan TV məsələyə münasibət öyrənmək üçün Əmək və Əhalinin Sosial Müdafiəsi Nazirliyinə müraciət edib. Nazirlikdən məsələni araşdıracaqlarını söyləyiblər.///Meydan.tv


    Masallı sakini: "Əsgərlikdə xəstəlik tapdım, pensiya ala bilmirəm"

    Masallı sakini: "Əsgərlikdə xəstəlik tapdım, pensiya ala bilmirəm"

    Masallı sakini: "Əsgərlikdə xəstəlik tapdım, pensiya ala bilmirəm"


Xəbər lenti

Araşdırmaçı jurnalist həbs olunmaq təhlükəsi ilə üzləşdiyini bildirir

"Jurnalistlərə qarşı zorakılıq bu il misli görünməmiş həddə çatıb və vəziyyət kritikdir" Kristof Deluar

Demokratiya və Rifah Uğrunda Hərəkatın fəalı Hüseyn Məlikin şikayəti təmin edilməyib

Şəhid ailələri Toğrul Qocayevin azad edilməsini tələb edirlər

Oktay Gülalıyev:"Müalicəyə ehtiyacı olan məhbusları müalicə edin"

"Sosial mediada əxlaqa zidd məsələlər təbliğ olunur" Mübariz Qurbanlı

Baş redaktorun işi məhkəməyə göndərilib

"Şəhidlərin vərəsələrinə 11 min manat vəsaitin verilməsi zamanı ədalət prinsipi əsas olmalıdır"

"İcra hakimiyyəti heç kəsdən pul almayıb” Ş.İbadov

Mingəçevirə yeni başçı təyin edilib

Polislə insident zamanı sürücü özünü yandırmağa cəhd edib

Brakonyerlər maral vurublar

Sərhəddə narkotik qaçaqmalçıları saxlanılıb

MSŞT Koalisiyasının növbəti Ümumi Yığıncağı keçirilib

“Bu sahə nifrət olunası bir sistemdir” Əli Əsgərov

Deputat sərxoş halda Bakının mərkəzində dava saldı

20 Yanvar Şəhidlər gününə qədər oğlumun “qan pulu” verilməsə, Şəhidlər Xiyabanında özümü oğlumun məzarı üstündə benzinlə yandıracam

Əli Kərimli Avropa Məhkəməsinə üz tutacaq

Əbülfəz Sadıqbəyliyə ailəsi ilə görüşə icazə verilmir

Azərbaycan jurnalistlərin həbsdə olduğu ölkələr sırasındadır

Müxalifət çirkli pulların yuyulması faktlarının araşdırılmasını tələb edir

Şəhid oğlunun həbs müddətini azaldıb

Hüseynqulu Bağırov jurnalisti həbs etdirmək istəyir

Təqvim

«    Dekabr 2018    »
BeÇaÇCaCŞB
 12
3456789
10111213141516
17181920212223
24252627282930
31 

Bizi izləyin

Təsisçi və baş direktor: Cavid Şirəliyev
Baş redaktor: Vidadi Sultan
Tel/Whatsapp: (+99450) 315-08-08
E-mail: 7gunxeber@gmail.com
Ünvan: Bakı şəhəri. Nəsimi rayonu.
© 2011. Bütün hüquqları qorunur. Məlumatlardan istifadə etdikdə istinad vacibdir.
Məlumat internet səhifələrində istifadə edildikdə müvafiq keçidin qoyulması mütləqdir!