"Bu haqsızlığı Allah da götürməz"

Şrift : |
Tarix :29-06-2018, 01:43
Bölmə : Cəmiyyət
Kömək :    
Baxılıb : 299 dəfə
Like :
Like :

    "Bu haqsızlığı Allah da götürməz"
    Cümə günü həbsdə olan AXCP fəalı Orxan Baxışlının valideynləri mətbuat konfransı keçirib.
    Müsavat Partiyasının qərargahında keçirilən tədbirdə əvvəlcə Orxan Baxışlının anası Kəmalə Rəhimli çıxış edib.
    O, oğlunun şərləndiyini, barəsində irəli sürülən ittihamın heç bir əsası olmadığını bildirib.
    “Orxan siyasi fəaliyyətinə görə tutulub. O, nəinki narkotikdən istifadə etmək, ziyanlı vərdişlərdən uzaq olan, hətta siqaret belə çəkməyən bir gəncdir” – Kəmalə Rəhimli bildirib.
    Məhbus anası oğluna işgəncə verilməsə də, ona psixoloji təzyiq edildiyini bildirib. O qeyd edib ki, hazırda Orxana qarşı qaldırılan qondarma cinayət işini yekunlaşdırmaq üçün, onu Yasamal Rayon Polis İdarəsinə gətiriblər.
    Mətbuat konfransında məhbusun atası Rafiq Baxışov da çıxış edərək oğlunun mitinqlərdə fəal iştirak etdiyinə görə tutulduğunu bildirib.

    “Orxana atılan şər, bütün Azərbaycan gəncliyinə atılan şərdir. Bu gün ölkədə 150-dən çox siyasi məhbus var. Onların da əksəriyyəti narkotik ittihamı ilə tutulub. Amma yalan ayaq tutar, yeriməz”, – Rafiq Baxışov bildirib.
    Toplantıda iştirak edən Məhbus Ailələri Koordinasiya Mərkəzinin təmsilçisi Zəfər Əhmədov də bildirib ki, hazırda istintaq orqanları Orxan Baxışlıya təzyiq edir: “Ona deyirlər ki, istifadə üçün az miqdarda heroinin ona məxsus olduğu etiraf etsə, onun maddəsini yüngülləşdirərlər. Lakin Orxan heç vaxt heroinin üzünü belə görmədiyini bildirib”.
    Tədbirin sonunda Kəmalə Rəhimli ölkə başçısı İlham Əliyevə müraciət edərək, oğlunun həbsdən azad olunmasını tələb edib.
    “Biz müsəlmanıq. Orxana qarşı bu haqsızlığı Allah da götürməz”, – Kəmalə Rəhimli bildirib.
    "Bu haqsızlığı Allah da götürməz"
    Azərbaycan Xalq Cəbhəsi Partiyasının (AXCP) Gənclər Komitəsinin Ali Məclis üzvü Orxan Baxışlıya qarşı Cinayət Məcəlləsinin 234.4.3 maddəsi ilə (Qanunsuz olaraq narkotik vasitələri, psixotrop maddələri və ya onların prekursorlarını hazırlama, saxlama, daşıma, göndərmə və ya satma-külli miqdarda törədildikdə) ittiham irəli sürülüb. Mayın 9-da Yasamal rayon Məhkəməsi fəalın barəsində dörd aylıq həbs qəimkan tədbiri seçib.
    İttihamın sanksiyasına görə fəalı 10 ilədək həbs gözləyir.
    Baxışlı mayın 7-də axşam saatlarında Baklıda Elmlər Akademiyasının qarşısındakı bağda mülki geyimli şəxslər tərəfindən saxlanılıb.
    AXCP Orxan Baxışlının həbsini siyasi sifariş kimi qiymətləndirir.
    “AXCP Gənclər Komitəsinin Ali Məclis üzvü Orxan Baxışlını 6 gün öncə Elmar Hüseynovun qəbri üstündə etdiyi çıxışa görə şərləyib həbs ediblər. Orxan bəyə azadlıq tələb edirik! Xalqımızın belə mübariz gənclərilə fəxr edirik!” AXCP sədri Əli Kərimli bildirib.
    Orxan Baxışlı Milli Şuranın 31 martda keçirdiyi mitinqdən öncə də saxlanılmışdı. Ona polisin qanunu tələbinə tabe olmamaq ittihamı ilə inzibati qaydada 30 sutka həbs verilmişdi.
    Öz növbəsində, rəsmi Bakı bir qayda olaraq Azərbaycanda bütün insanların qanun qarşısında bərabər olduğunu, heç kimin fikrinə, baxışlarına görə həbs edilmədiyini bildirir.


Xəbər lenti

Sozcu.az saytının rəhbəri Elşən Əlisoya qarşı təxribat həyata keçirilir

8 hərbi qulluqçunu xüsusi qəddarlıq və amansızlıqla qətlə yetirən şəxslərə 6 il həbs cəzası

Taleh Bağırzadənin həyat yoldaşı barədə rəsmi açıqlama

Müdafiə Naziri pakistanlı həmkarı ilə hərbi əməkdaşlığı müzakirə etdi

Alim istefa verdi və universiteti rüsvay etdi – İttiham

Elman Rüstəmov bir gecədə 450 milyonu necə qazanıb?

Prezident İlham Əliyevin Novruz təbriki

Ruhulla Axundzadənin və oğlunun aclıq etdiyi bildirilir

"Natia Tavberidze ilə görüşdə Azərbaycanda insan haqlarının durumu, siyasi məhbuslarla bağlı vəziyyəti və s. müzakirə etdik" Oktay Gülalıyev

İlham Əliyev Əziz Əzizovun fırıldaq əməllərinə "dur" deyəcək?

ABŞ Dövlət Departamentinin 2018-ci ildə insan hüquqlarının pozulması haqda hesabatı ilə bağlı rəylər

Dövlət başçısının İranın iqtisadiyyat və maliyyə naziri ilə görüşü

Siyavuş Novruzov Dövlət Departamentinin Qarabağın ermənilər tərəfindən işğal edildiyini etiraf edən hesabatını tənqid edir

Hüseyn Əhmədov Qələndər Canbaxışovdan prezidentə şikayət etdi

Valeh Nesibovun yaxınlarına təzyiq edirlər

Sozcu.az yeni dizaynda

"TOXUNULMAZ" MÜAVİN MƏHƏMMƏD QƏLƏNDƏROVUN "OFŞOR SƏLAHİYYƏTLƏRİ"

Musiqi məktəbinin direktorunun ali musiqi təhsili varmı?

"Partiyalar çoxdur, amma xalqın istəyini yerinə yetirən yoxdur" Ş.Cəfərli

Masallı - Yardımlı meşələri qətlə yetirilir

İlkin Rüstəmzadənin Azərbaycana qarşı şikayəti təmin edilib

İsmayıl Vəliyev rayon sakinlərinə qarşı niyə müharibə aparır?

Səfər Mehdiyev görüntü yaradır - VIDEO

Təqvim

«    Mart 2019    »
BeÇaÇCaCŞB
 123
45678910
11121314151617
18192021222324
25262728293031

Bizi izləyin

Təsisçi və baş direktor: Cavid Şirəliyev
Baş redaktor: Vidadi Sultan
Tel/Whatsapp: (+99450) 315-08-08
E-mail: 7gunxeber@gmail.com
Ünvan: Bakı şəhəri. Nəsimi rayonu.
© 2011. Bütün hüquqları qorunur. Məlumatlardan istifadə etdikdə istinad vacibdir.
Məlumat internet səhifələrində istifadə edildikdə müvafiq keçidin qoyulması mütləqdir!