İcbari tibbi sığorta mərhələli şəkildə tətbiq ediləcək Cəmiyyət 

Şrift : |
Tarix :26-11-2019, 19:59
Bölmə : Cəmiyyət
Kömək :    
Like :
Like :

    Azərbaycanda icbari tibbi sığortanın tətbiqi 1 yanvar 2020-ci ildən mərhələli şəkildə həyata keçiriləcək. 7GUN.az-ın məlumatına görə, bu barədə Turan-a İcbari Tibbi Sığorta üzrə Dövlət Agentliyində bildiriblər.

    Belə ki, birinci kvartalda sistem şimal bölgəsinin 20 rayonunu (ölkə əhalisinin 23,82%-i), ikinci kvartalda  qərb bölgəsinin 17 rayonunu (əhalinin 24,6%-i), üçüncü kvartalda ölkənin 14 cənub rayonunu (əhalinin 19,53 faizi), dördüncü kvartalda isə Bakı, Sumqayıt və Abşeronu (əhalinin 32,05%-i ) əhatə edəcək.

    Tibbi sığortaya 3000 diaqnoz üzrə tibbi xidmətlər aid ediləcək.

    Ekspert Natiq Cəfərli hesab edir ki, uzun illərdir tibbi sığortanın tətbiqində gecikmə işçilərin xeyli hissəsinin rəsmi qeydiyyata alınmaması ilə əlaqədardır. 5,8 mln. əmək qabiliyyətli əhalinin yalnız 1,6 mln.-u muzdla işləyir. Rəsmi əmək haqlarının olmaması əhalinin icbari tibbi sığortaya cəlb edilməsində çətinliklər yaradır.

    Digər tərəfdən, uşaqların, evdar qadınların və əlillərin azad olduğu ildə 120 manat həcmində sığorta ödənişi keyfiyyətli tibbi xidmətin göstərilməsini təmin edə bilməz.

    O hesab edir ki,  icbari tibbi sığortanın tətbiq olunmasını daha gec müddətə təxirə salına bilər. Çünki pilot layihələr tibb işçilərinin dövlət qurumlarından özələ getməsi kimi problemlər aşkar edib.

    Professor Adil Geybulla hesab edir ki, icbari tibbi sığortanın həyata keçirilməsinə cavabdeh olan şəxslərin çoxunun bu sistem haqqında təsəvvürləri yoxdur.

    “Deyirdilər ki, həkimlərdən kim daha çox xəstəni müayinə edəcəksə, daha çox qazanc əldə edəcək. Ancaq bunun icbari tibbi sığorta ilə əlaqəsi yoxdur. O, standart paketləri nəzərdə tutur. Onun əsas məqsədi xəstəyi müştəri kimi baxmamaqdır. Bu, sosial təminatın elementlərindən biridir”, - professor deyib.

    Onun sözlərinə görə, sistem tətbiq olunmaqla əhaliyə bütün xidmətlər paketi üzrə pulsuz yardım göstərmək mümkün olmayacaq. Bunun üçün 4 mlrd. manat lazımdır.

    Parlamentin Səhiyyə komitəsinin üzvü Musa Quliyevin sözlərinə görə, ölkə əhalisi 90 manat məbləğində tibbi sığorta paketi ilə əhatə olunacaq. Bu, dövlət tərəfindən maliyyələşdiriləcək. Bundan əlavə, neft sahəsinin işçiləri əlavə olaraq əməkhaqqının 2% -i həcmində, qeyri-neft sektorunun işçiləri isə 1% həcmində tibbi sığorta ilə təmin ediləcək.

    2023-cü ilə qədər dövlət vətəndaşların icbari tibbi sığortasını öz üzərinə götürəcək. Bundan ötrü ildə 2 mlrd. manat tələb olunur. Birinci il 1,5 mlrd. manat lazım olacaq. Bunun 1,2 mlrd.-ı dövlət, qalan 300 mini sığorta olunanların özləri tərəfindən maliyyələşdiriləcək. -21B06-


Xəbər lenti

Beynəlxalq təşkilatlar vəkillərlə bağlı çağırış edib

Seçki oyunu -VİDEO

"Oktayın ağ ciyərində, qanında infeksiya olduğuna görə aintibiotiklər vurulurdu" -Firuzə Gülalıyeva

AİHM Rafiq Tağının işi üzrə qərarı elan edib

AİHM Bəybala Əbillə bağlı qərarını elan etdi

Masallı rayon Məhkəməsinin qətnaməsindən apellyasiya şikayəti verildi

Oqtay Gülalıyevlə bağlı beynəlxalq hüquq-müdafiə təşkilatlarına çağırış olundu

"RUN Group" MMC-nin xanım rəhbəri niyə susur? -VİDEO

Xəstələrə əzab verən Müalicə Müəssisəsi -VİDEO

"Cahid Hilaloğlu" mükafatı təqdim edildi -FOTOLAR

10 AA 322 seriyalı avtomobil sürücüsü mövcud qanunvericiliyin tələblərinə niyə riayət etmir? -VİDEO

"İşıq xətti qəfil qırılıb düşə bilər" -Qəbələ rayonundan FOTOLAR

"Bizə dedilər 6 aydan sonra müraciət edə bilərsiniz" -Vüqar Qurdqanlı

Masallı rayon Maliyyə İdarəsi faizə otuzdurulub?

"Dövlət, hökumət başçıları özünü kral, şah zənn etməsinlər, xalqa xidmət etsinlər" -Əli Kərimli

Cəlilabadda süqut edən təhsil sistemi : İTTİHAM

Elxan Hüseynov “köhnə bazara yeni qiymətlər”gətirib? -Sumqayıt Dövlət Universitetində problem

Vəkil:"Mən o qədərmi axmağam ki, o icraat gedə-gedə üzvlük haqqı ödəməyim?"

Prezidentin köməkçisinə general-polkovnik rütbəsi verildi

Məhkəmə jurnalisti cərimələdi : "Sifarişli qərardır"

“Taliban bizimlə razılıq əldə etmək istəyir və biz onlarla görüşürük” -Donald Tramp

Azərbaycanda yeni Ombudsmanı Səbinə Əliyeva oldu

"Haqq ədalət uğrunda mübarizə aparmış adam indi də tək, meydanda həyatı uğrunda mübarizə aparır" -Təbriz Gülalıyev

Polis “Müsəlman Birliyi” Hərəkatının tədbirinə imkan vermədi

"Bu yaşdan sonra hara gedəcəyik, necə yaşayacağıq?” – Tanımış həkim

Təqvim

«    Dekabr 2019    »
BeÇaÇCaCŞB
 1
2345678
9101112131415
16171819202122
23242526272829
3031 

Bizi izləyin

Təsisçi və baş redaktor: Cavid Şirəliyev
Tel/Whatsapp: (+99450) 300-17-96 | (012) 555-65-95
E-mail: 7gun@mail.ru
Ünvan: Bakı şəhəri, Nəsimi rayonu, A.Məhərrəmov küçəsi 30/14
© 2011. Bütün hüquqları qorunur. Məlumatlardan istifadə etdikdə istinad vacibdir.
Məlumat internet səhifələrində istifadə edildikdə müvafiq keçidin qoyulması mütləqdir!
Mobil versiya