Xalqdan deputatların tətil puluna üsyan:”Öz güzəranlarını yaxşılaşdırmaqla məşğuldurlar”

Şrift : |
Tarix :2-07-2018, 21:03
Bölmə : Cəmiyyət
Kömək :    
Baxılıb : 219 dəfə
Like :
Like :

    Xalqdan deputatların tətil puluna üsyan:”Öz güzəranlarını yaxşılaşdırmaqla məşğuldurlar”
    Bu il maaşını artırmağa müvəffəq olan millətin təyinatlı vəkilləri indi də tətil pulunu alaraq cənnət guşələrində istirahətə yollanırlar.
    Anaxeber.Az-ın məlumatına görə, spikerin 4950 manat, millət vəkillərinin 3464 manat tətilpulu alacaqları cəmiyyət tərəfindən üsyanla qarşılanıb. Sosial şəbəkələr deputatların tətil pulu almasına etirazlardan dağılır.
    Əhalinin sosial vəziyyətinin ağır vaxtında fantastik məbləğdə dövlətdən tətil pulu alaraq kurort bölgələrinə getmələri yoxsul xalqın etirazlarına səbəb olmaya bilməzdi.
    Məsələn, təkcə “Bütün dünya türkləri birləşin” səhifəsindəki şərhlərdə xalqın Milli Məclisə nifrət püskürməsini görmək olar.
    Reqina Qarayeva “Haramzadələr…”, Aylin İlyas “əldən-ayaqdan düşdülər, haram xoşları olsun”, Gül Həşimzadə “Zəhər-zıqqım olsun, salamat yeməsinlər, ancaq özlərini düşünürlər”, Afa Cəfər “Xalqın adından öz güzəranlarını yaxşılaşdırmaqla məşğuldurlar” yazaraq deputatların xalqın kasıb və səfil vəziyyətində tətil pulu almasına “od püskürüblər”.

    Şərhlər isə yüzlərlədir. Cahan Qafarova “yazıqlar çox işlədilər, daş daşıdılar”, Sevil Muradova “Gedib heç salamat qayıtmayasız”, Solmaz Şəkər “Görəsən ölüb yerə girmir bu deputatlar?!”, Nağı Cəbrayıllı “Allah hər şeyi görür, onları Allaha tapşırıram” kimi sərt sözlər, qarğış-nalə yağdırıblar.
    Əslində, şərh yazanların sayı bitmək bilmir. Aftandil Əliyev yazıb ki, xalq acından günorta durur, bunların puluna bax.
    Vüsalə Bayramzadə axırıncı tətilləri olsun deyə qarğış edib. Ədalət Rüstəmov isə sual edib ki, Hadı Rəcəbli Lənkərandakı obyektlərində dincələcək yoxsa Panama sahillərində…
    Ramail Yusubov “yazıqlar necə dolanarlar” deyə sarkazmla yazıb. Elçin Abdullayev şərhində soruşub ki, bəs müəllimləri kimsə düşünəcəkmi?!
    Vüqar Əhəmov isə onların getməyinin tərəfdarıdır: “Siz Allah qoyun getsinlər, yosa Milli Məclisdə oturub gic-gic qanunlar çıxardırlar”.
    Və 150-yə yaxın şərhdə ölkə seçiciləri Milli Məclisin üzvlərinə ən ağır sözləri, dişinin dibindən çıxanları yazıblar. Nə üçün ölkə parlamenti belə nifrət qazanıb – sual budur…

    Anaxeber.Az yazır ki, millətin deyil, hakimiyyətin vəkilləri olan təyinatlı deputatlara olan nifrətin köklü səbəbləri var.
    İlk növbədə onlar geridə qalan bu üç il ərzində xalqın əleyhinə olan bütün mürtəce qanunlara “hə” deyiblər.
    Həmin qanunlar insan azadlıqlarının məhdudlaşdırılması, cərimələrin sərtləşdirilməsi, biznes mühitinin çətinləşdirilməsinə xidmət edib.
    İkincisi, deputatlar parlamentdə əhalinin problemlərini qaldırmırlar, seçiciləri ilə görüşlər keçirmirlər, onlara edilən müraciətlər qulaqardı edilir.
    Üçüncüsü, 125 deputatın yarıdan çox MM-də çıxışlar etmir, əksəriyyəti biznes fəaliyyəti olan iş adamlarıdırlar və “ağzına su alıb” otururlar.
    Dördüncüsü, ayrı-ayrı deputatlar çıxışlarında xalqı, qaziləri, şəhid ailələrini, müəllimləri, cəmiyyətin müxtəlif zümrələrini təhqir ediblər. Sonra üzr istəyiblər.

    Beləcə həm danışığını bilməyən, həm seçicisinə biganə olan, həm böyük biznesə malik həmin hakimiyyətin vəkillərinə üstəgəl tətil pulu verilməsi xalq tərəfindən gül-çiçəklə qarşılana bilməzdi.
    Minlərlə işsiz, evsiz, kirayələrdə yaşayan ailələr var, təcili əməliyyata ehtiyacı olan kasıblar var, deputatların təmsil etdikləri rayonlar problemlər içində boğulur, icra başçıları vətəndaşları incidir, süründürür və millət vəkili mandatı daşıyanlar “tükünü tərpətmir”lər.
    Odur ki, ifadə imkanları məhdudlaşdırılmış xalqın sözünü deməyə sonuncu yeri olan feysbukda iqtidara, onun nazirlərinə, deputatlarına, İH məmurlarına ürəyindən keçəni yazırlar.
    Faktiki olaraq, ailəsini yay tətilində rayonların birinə üç günlük istirahətə apara bilməyən ailələr olduğu halda, onları təmsil edən deputatlara 3464 manat təkcə tətil pulu ödənilir.
    Hökumətin təbəqələşməyə, siniflər arasında uçuruma yaratmağa yönəlik bu siyasəti xalqla mandat sahiblərini, xalqla hakimiyyəti bir-birindən ayırır.
    Bu siyasət olduqca təhlükəlidir və cəmiyyətlə hakim rejim arasında münasibətləri gərginləşdirir, düşmənçilik toxumları səpir, sosial haqsızlıq ayrı-ayrı əyalətlərdə vətəndaşları qıcıqlandırır, yuxarıların lüks həyat tərzini görən aşağılar qisasçılıq hissləri ilə alışıb yanırlar.
    Göründüyü kimi, təqdim etdiyimiz şərhlərdə “salamat qayıtmayasız”, “sonuncu tətiliniz olsun”, “haram yeyəsiniz” kimi xalq qarğışları həmin səhv siyasətin nəticələridir.
    İnsanlara küçələrə çıxıb etiraz etmirlər, həbslərdən qorxurlar, işsiz qalmaqdan çəkinirlər, amma bu narazılığı virtual aksiya şəklində sosial şəbəkələrə transfer edirlər.
    Nəinki Avropanın, ən azı qonşu ölkələrin parlamentariləri xalqına qarşı belə laqeyd deyil. Nə Gürcüstan, nə İran, nə Türkiyə millət vəkillərinə öz xalqları tərəfindən belə nifrət, kin, qəzəb var.
    Çünki onlar yaxşı-pis seçicinin yanındadırlar, hüququ tapdanan vətəndaşın məsələsini yuxarı instansiyalara çatdırıb, haqqını müdafiə edirlər.
    Azərbaycanda isə 125 deputatın yarıdan çoxunun başı şəxsi biznesə qarışıqdır, 5-10 siyasiləşmiş deputatın missiyası görüntü xətrinə çıxışlar etməkdir, bəzilərinin də funksiyası məddahlıq etmək, iqtidarın yanlışlarını ütüləməkdən ibarətdir.
    Buna görə də tətil pulu almalarına xalqın qarış-nalə ilə cavab verməsi sosial mənzərəyə adekvatdır…
    Xalqdan deputatların tətil puluna üsyan:”Öz güzəranlarını yaxşılaşdırmaqla məşğuldurlar”
    Xalqdan deputatların tətil puluna üsyan:”Öz güzəranlarını yaxşılaşdırmaqla məşğuldurlar”
    Xalqdan deputatların tətil puluna üsyan:”Öz güzəranlarını yaxşılaşdırmaqla məşğuldurlar”
    Xalqdan deputatların tətil puluna üsyan:”Öz güzəranlarını yaxşılaşdırmaqla məşğuldurlar”
    Xalqdan deputatların tətil puluna üsyan:”Öz güzəranlarını yaxşılaşdırmaqla məşğuldurlar”
    Xalqdan deputatların tətil puluna üsyan:”Öz güzəranlarını yaxşılaşdırmaqla məşğuldurlar”
    Xalqdan deputatların tətil puluna üsyan:”Öz güzəranlarını yaxşılaşdırmaqla məşğuldurlar”
    Anaxeber.Az


Xəbər lenti

Sozcu.az saytının rəhbəri Elşən Əlisoya qarşı təxribat həyata keçirilir

8 hərbi qulluqçunu xüsusi qəddarlıq və amansızlıqla qətlə yetirən şəxslərə 6 il həbs cəzası

Taleh Bağırzadənin həyat yoldaşı barədə rəsmi açıqlama

Müdafiə Naziri pakistanlı həmkarı ilə hərbi əməkdaşlığı müzakirə etdi

Alim istefa verdi və universiteti rüsvay etdi – İttiham

Elman Rüstəmov bir gecədə 450 milyonu necə qazanıb?

Prezident İlham Əliyevin Novruz təbriki

Ruhulla Axundzadənin və oğlunun aclıq etdiyi bildirilir

"Natia Tavberidze ilə görüşdə Azərbaycanda insan haqlarının durumu, siyasi məhbuslarla bağlı vəziyyəti və s. müzakirə etdik" Oktay Gülalıyev

İlham Əliyev Əziz Əzizovun fırıldaq əməllərinə "dur" deyəcək?

ABŞ Dövlət Departamentinin 2018-ci ildə insan hüquqlarının pozulması haqda hesabatı ilə bağlı rəylər

Dövlət başçısının İranın iqtisadiyyat və maliyyə naziri ilə görüşü

Siyavuş Novruzov Dövlət Departamentinin Qarabağın ermənilər tərəfindən işğal edildiyini etiraf edən hesabatını tənqid edir

Hüseyn Əhmədov Qələndər Canbaxışovdan prezidentə şikayət etdi

Valeh Nesibovun yaxınlarına təzyiq edirlər

Sozcu.az yeni dizaynda

"TOXUNULMAZ" MÜAVİN MƏHƏMMƏD QƏLƏNDƏROVUN "OFŞOR SƏLAHİYYƏTLƏRİ"

Musiqi məktəbinin direktorunun ali musiqi təhsili varmı?

"Partiyalar çoxdur, amma xalqın istəyini yerinə yetirən yoxdur" Ş.Cəfərli

Masallı - Yardımlı meşələri qətlə yetirilir

İlkin Rüstəmzadənin Azərbaycana qarşı şikayəti təmin edilib

İsmayıl Vəliyev rayon sakinlərinə qarşı niyə müharibə aparır?

Səfər Mehdiyev görüntü yaradır - VIDEO

Təqvim

«    Mart 2019    »
BeÇaÇCaCŞB
 123
45678910
11121314151617
18192021222324
25262728293031

Bizi izləyin

Təsisçi və baş direktor: Cavid Şirəliyev
Baş redaktor: Vidadi Sultan
Tel/Whatsapp: (+99450) 315-08-08
E-mail: 7gunxeber@gmail.com
Ünvan: Bakı şəhəri. Nəsimi rayonu.
© 2011. Bütün hüquqları qorunur. Məlumatlardan istifadə etdikdə istinad vacibdir.
Məlumat internet səhifələrində istifadə edildikdə müvafiq keçidin qoyulması mütləqdir!