BŞİH-də saxta sərəncam qalmaqalı - HƏBSLƏR GÖZLƏNİLİR

Şrift : |
Tarix :30-08-2018, 20:13
Bölmə : Cəmiyyət
Kömək :    
Like :
Like :

    Avqustun 29-da Dövlət Şəhərsalma və Arxitektura Komitəsi, Baş Prokurorluqla birgə Bakı Şəhər İcra Hakimiyyətinin sərəncamının saxtalaşdırılması ilə bağlı məlumat yayıb.

    Məlumatda qeyd olunub ki, Dövlət Şəhərsalma və Arxitektura Komitəsindən Baş prokuror yanında Korrupsiyaya qarşı Mübarizə Baş İdarəsinə daxil olmuş məlumat araşdırılarkən vətəndaş Elsevər Rufullayevin Bakı Şəhər İcra Hakimiyyətinin saxtalaşdırılmış sərəncamı əsasında paytaxtın Xətai rayonu ərazisində 2018-ci ilin əvvəllərində özbaşına qeyri-yaşayış obyektinin tikintisinin aparmasına əsaslı şübhələr müəyyən edilib:

    “Bilə-bilə saxta sənəddən istifadə etməklə torpaq sahəsi üzərində özbaşına tikinti işlərini aparma faktına görə Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin 188.2 (qanunla müəyyən edilmiş mülkiyyət, istifadə və ya icarə hüququ olmadan torpaq sahəsi üzərində özbaşına tikinti və ya quraşdırma işlərini aparma), 320.1 və 320.2-ci (rəsmi sənədləri qanunsuz hazırlama, satma və ya saxta sənədlərdən istifadə etmə) maddələri ilə cinayət işi başlanıb.

    Hazırda cinayət işi üzrə qeyd olunan qanunsuz halların tam və hərtərəfli araşdırılmaqla təqsirkar şəxslərin dairəsinin müəyyənləşdirilərək məsuliyyətə cəlb olunmaları istiqamətində zəruri istintaq-əməliyyat tədbirləri davam etdirilir",-deyə birgə məlumatda qeyd olunub.

    “Yeni Müsavat” hələ avqustun 21-də yazmışdı ki, Dövlət Şəhərsalma və Arxitektura Komitəsinə paytaxtın tikinti sektorunda problemlərin aradan qaldırılması, qanunsuz tikintilərin qarşısının alınması üçün ən yüksək səviyyədə səlahiyyətlər verilib. Komitə isə bu səlahiyyətlərindən istifadə edərək son illərdə Bakı şəhər İcra Hakimiyyəti tərəfindən tikintiyə verilən bütün icazə sənədlərinin yoxlanmasına başlayıb.

    Paytaxt ərazisində tikinti məqsədilə hasarlanmış bütün ərazilərdə hər hansı işlərə başlanması qadağan olunub. Bir çox yerlərdə hasarlar sökülüb, hətta tikintiyə başlanmış olan ərazilərdə işlər dayandırılıb. Bildirilir ki, bütün icazə sənədləri təftiş olunur, tikinti və şəhərsalma qaydalarına uyğunluq baxımından yenidən qiymətləndirilir. Ciddi pozuntuların aşkarlandığı bəlli olan kimi işlər dayandırılır.

    Gedən proseslərdən belə aydın olur ki, Bakıda qanunsuz obyektlərin, yol kənarlarında, müxtəlif tikililərin, kafelərin tikilməsində əsas günahkar Bakı Şəhər İcra Hakimiyyəti və yaxud da orada çalışan bəzi şəxslərdir. Hələ ki, yayılan məlumatlarda konkret şəxslərin adı hallanmır. Lakin ekspertlər hesab edirlər ki, hazırda bu sahə üzrə ciddi araşdırmalar, işlər aparılır. Ehtimal olunur ki, proseslərin sonunda bəzi vəzifəli şəxslərin həbsləri də baş verə bilər.

    “Yeni Müsavat”a danışan hüquqşünas Əsabəli Mustafayev bildirib ki, ilk növbədə ciddi araşdırma aparılmalıdır: “Müəyyən olunmalıdır ki, sənədin saxtalığına əsas səbəb nədir. Yəni ola bilsin ki, vətəndaş tərəfindən təqdim olunan sənədlərin içərisində saxtası da olub. Bunu da vəzifəli şəxs bilmədən, həmin sənədlərin əsasında sərəncam verib. Digər variant budur ki, vətəndaş saxta sənəd verib və bunun saxta olmasını vəzifəli şəxs də bilib. Bununla belə, aralarında olan danışığa əsasən sənədi qanuni qəbul edib, sərəncam verib. Bu variantlardan hansı baş veribsə, bunu ancaq istintaq müəyyən edə bilər. Hər iki variantın mümkünlüyü var. Bu variantlardan asılı olaraq da məsuliyyətə cəlb ediləcək şəxslərin cəzası müəyyən olunacaq. Əgər ikinci variantdırsa, həm vətəndaş, həm də vəzifəli şəxs məsuliyyətə cəlb ediləcək. Bizim praktikada belə bir hal da olub ki, vətəndaş haradansa sənəd alır və ona bunu hüququ olmayan bir şəxs verir. Vətəndaşın özünün də bundan xəbəri olmur və sənədi müvafiq quruma təqdim edir. Az da olsa, bu işdə belə bir ehtimal da ola bilər. İstintaq araşdırmalı və nəticəyə uyğun da hərəkət etməlidir”.

    Vəkil deyir ki, eyni zamanda məsələdə Bakı Şəhər İcra Hakimiyyətinin adı hallandığı üçün ictimaiyyətə də geniş məlumat verilməlidir.

    Ə.Mustafayev söyləyib ki, BŞİH-də bu işdə əli olan vəzifəli şəxslər məsuliyyətə cəlb oluna bilər: “Onlar sənədlərin həqiqiliyini müvafiq qaydada yoxlamayıblarsa, o zaman da məsuliyyət daşıyırlar. Çünki səhlənkarlıq ediblər. Sənədlər bütün hallarda yoxlanmalı idi. Məlumatda qeyd olunan hal isə vəzifədən sui-istifadə etmədir. Yəni digər qurumların icazəsi olmadan sərəncam vermək, vəzifədən sui-istifadə halıdır. Ona görə də bütün işlərin təkcə anti-korrupsiya idarəsi tərəfindən aparılması doğru deyil. Burada səhlənkarlıq və ya digər halın olduğu müəyyənləşməlidir”.


Xəbər lenti

"Mənim “arxa-dayağım” komitəmizin sədri cənab Əhməd Əhmədzadədir" -Suvarma Sistemləri idarəsinin rəisi Vaqif Səlimov

Prezident İtaliyada səfərdədir -FOTOLAR

İnsan hüquqlarının vəziyyəti müzakirə olunacaq -ATƏT-in PA-da

“Biz tələsmirik, təzyiq kampaniyası davam edir” -ABŞ dövlət katibi

Rüşvət barədə xəbər yayan jurnalist qətlə yetirilib

İlham Əliyev yollarının tikintisi və yenidən qurulması üçün 4,9 milyon manat vəsait ayırdı -SƏRƏNCAM

Zakir Fərəcovun Fəzail Hüseynova bu boyda etimadının arxasında nə dayanır?

Cavid Şirəliyev hakimiyyətə çağırış etdi -BƏYANAT

Məhbub Zülfüqarlı Prezident İlham Əliyevə müraciət etdi

“Qanlı təxribata görə bütün məsuliyyət Ermənistanın üzərinə düşür” -Leyla Abdullayeva

Prezident Xalq rəssamını təltif etdi -SƏRƏNCAM

Seymur Həzi 16 fevral mitinqilə bağlı polisə çağırılıb

“Sərhədsiz Reportyorlar” seçki günü jurnalistlərə ən azı səkkiz hücum faktını qeydə alıb -BƏYANAT

MSK Hadı Rəcəblini və Hüseynbala Mirələmovu mandatdan məhrum etdi -QƏRAR

Arlem Dezir jurnalistlərlə bağlı hakimiyyətə çağırış etdi

Azərbaycan hökuməti hər iki fəala 72 min avro ödəməlidir

7GUN.az tezliklə yeni "Sual ver" layihəsinə başlayır -AÇIQLAMA

"24 saylı Birləşmiş Şəhər Xəstəxanasında tibbi xidmət normaldır" -Baş həkim Azər Məmmədov

"Vətəndaşların seçki hüquqlarının kobud şəkildə pozulması halları aşkar edilməyib" -Rusiya XİN

“Əsas vəzifəmiz yüksək professional musiqiçi kadrları yetişdirməkdir” - Əməkdar müəllim, pedaqoji elmlər namizədi, professor Nərminə Quliyeva

AzTU-nun nümayəndə heyəti Türkiyəyə səfər edib

"Bu seçkilər mətbuat və sərbəst toplaşmaq azadlıqlarının məhdudlaşdırılması ilə əlamətdar oldu" -ABŞ səfirliyi

Seçkilərdə rəqabət mühiti olmayıb -ATƏT DTİHB, ATƏT PA və AŞPA müşahidəçiləri

Namizədin ələ alınmasına cəhdlə bağlı beynəlxalq missiyaları məlumatlandırıb

"Oqtay Gülalıyevi artıq ayaq üstə qaldırırlar" -Firuzə Gülalıyeva

Təqvim

«    Fevral 2020    »
BeÇaÇCaCŞB
 12
3456789
10111213141516
17181920212223
242526272829 

Bizi izləyin

Təsisçi və baş redaktor: Cavid Şirəliyev
Tel/Whatsapp: (+99450) 300-17-96 | (012) 555-65-95
E-mail: 7gun@mail.ru
Ünvan: Bakı şəhəri, Nəsimi rayonu, A.Məhərrəmov küçəsi 30/14
© 2011. Bütün hüquqları qorunur. Məlumatlardan istifadə etdikdə istinad vacibdir.
Məlumat internet səhifələrində istifadə edildikdə müvafiq keçidin qoyulması mütləqdir!
Mobil versiya