"Bir neçə saat gözləyəndən sonra apardığımız sovqatı qəbul elədilər, görüşə isə buraxmadılar" - Kəmalə Rəhimli

Şrift : |
Tarix :21-09-2018, 08:04
Bölmə : Cəmiyyət
Kömək :    
Baxılıb : 30 dəfə
Like :
Like :

    AXCP Gənclər Komitəsinin həbsdə olan üzvü Orxan Baxışlının anası deyir ki, sentyabrın 18-də oğlu haqqında hökm çıxarılandan sonra təcridxanada da bir sıra hüquqları məhdudlaşdırılıb.

    7GUN.az xəbər verir ki, Kəmalə Rəhimli bu barədə AzadlıqRadiosuna danışıb. Bildirib ki, hökmün ertəsi gün Orxanın saxlandığı Kürdəxanıdakı 1 Saylı Bakı İstintaq Təcridxanasına gediblər, amma onu oğlu ilə görüşməyə qoymayıblar: "Bir neçə saat gözləyəndən sonra apardığımız sovqatı qəbul elədilər, görüşə isə buraxmadılar. Səbəbini soruşanda əvvəl demədilər. Sonra bildirdilər ki, Orxan guya siyasi mövzuda söhbətlər eləyir. Onu araşdıracaqlar".

    K.Rəhimli deyir ki, əvvəllər təcridxanada dəfələrlə Orxanla görüşüb. Ona görə də anası istisna etmir ki, bu məhdudiyyət Orxanın Bakı Ağır Cinayətlər Məhkəməsində son sözündə səsləndirdiyi tənqidi fikirlərlə bağlı ola bilər.

    O.Baxışlı son sözündə siyasi sifarişlə həbs olunduğunu, AXCP üzvü olmasıyla fəxr etdiyini, ölkənin demokratikləşməsi uğrunda mübarizəsində üzləşdiyi məhrumiyyətlərə baxmayaraq, peşman olmadığını bildirmişdi. Gənc fəal 6 il azadlıqdan məhrum edilməsi barədə hökmə «Azadlıq!» şüarlarıyla reaksiya vermişdi.

    "Heç bir məhdudiyyət yoxdur"

    Penitensiar Xidmətin ictimaiyyətlə əlaqələr şöbəsinin rəhbəri Mehman Sadıqov isə AzadlıqRadiosuna deyib ki, O.Baxışlının qanunla nəzərdə tutulmuş hüquqlarının təmin olunmasında heç bir problem yoxdur: "Təcridxananın rəhbərliyi ilə danışmışam, ona qarşı heç bir məhdudiyyət tətbiq olunmayıb. Bir neçə gün əvvələ qədər həbs olunan şəxs idi, hökmdən sonra artıq məhkum olunmuş şəxsdir. Mövcud qanunvericiliyə uyğun olaraq, hüquqları da təmin olunacaq".

    AXCP Gənclər Komitəsinin üzvü O.Baxışlı mayın 7-də saxlanıb. Onun üzərindən 6 qram heroin tapıldığı iddia olunur. Gənc fəal ittihamı rədd edir, narkotiki cibinə polislərin atdığını deyir.

    AXCP-dən isə bildirilib ki, O.Baxışlı həbsindən bir neçə gün öncə - mayın 3-də Beynəlxalq Söz Azadlığını Müdafiə Günü ilə əlaqədar mərhum jurnalist Elmar Hüseynovun məzarı önündə etdiyi çıxışa görə cəzalandırılıb. Həmin çıxışda gənc fəal E.Hüseynovu bu hakimiyyətin qətlə yetirdiyini bildirib. Hakimiyyət rəsmiləri isə belə iddiaları yalanlayırlar və E.Hüseynovun qətilində günahkar olanların tapılıb cəzalandırılmasında maraqlı olduqlarını deyirlər. Həmin qətldən 13 il keçib.


Xəbər lenti

Nazirlər Kabinetində iki vəzifəli şəxsin dövlət qulluğuna xitam verilib.

MTN generalları yenidən hakim qarşısında

Badamdarda sürüşmə ilə əlaqədar ETSN tərəfindən Qərargah yaradılıb

Azərbaycan prezidenti ilə Türkmənistan XİN başçısının görüşündə əməkdaşlıq perspektivləri müzakirə edilib

Rəşid Meredov Azərbaycana səfərə gəlib

Azərbaycanda Dövlət Müstəqilliyi Gününün 27-ci ili qeyd edilir

Müsavat Partiyası A.Həsənovun siyasi motivlərlə təqib olunduğunu bildirir

Xətai rayonunda 24 yaşlı gənc intihar edib

7GUN.az Prezidentə və hüquq mühafizə orqanlarının rəhbərlərinə müraciət etdi

Masallı sakini: "Əsgərlikdə xəstəlik tapdım, pensiya ala bilmirəm"

Hakimiyyət Badamdar qəsəbəsində sürüşmə zonasında evləri sökməyə hazırlaşır

Cahangir Hacıyev Dünyamin Xəlilovla birlikdə məhkəmə qarşısına çıxarılacaq

Baş həkim Cəlil Nəzərov oğurluq da edir?!

“Əməliyyatda heç bir məsuliyyətsizlik olmayıb"- Modern hospitaldan açıqlama

“Mirəlioğlu partiyanı ata malı bilir, nə gəldi edir"

Azad Həsənova qarşı narkotik ittihamı irəli sürülür

İlham Əliyev Astara və Lerikə səfər edib

Jurnalist Əfqan Muxtarlı karserə salınıb

MTN-in keçmiş İstintaq İdarəsinin şöbə rəisi vaxtından əvvəl azadlığa buraxılıb

Deputat "Bakı Lift-Təmir” İB-nin işdən qovulan sabiq rəisi ilə bağlı açıqlama verib

"Hansısa bir cinayət əməli törətsə və ona görə tutulsa idim işə götürülməyimdə problem olmayacaqdı" Zaur Qurbanlı

Milli Dövlətçilik Partiyasının sədri həbs olunub

Vətəndaş cəmiyyətinin hazırki vəziyyəti və vəziyyətdən çıxış yolları müzakirə olunub

Təqvim

«    Oktyabr 2018    »
BeÇaÇCaCŞB
1234567
891011121314
15161718192021
22232425262728
293031 

Bizi izləyin

Təsisçi və baş direktor: Cavid Şirəliyev
Baş redaktor: Vidadi Sultan
Tel/Whatsapp: (+99450) 315-08-08
E-mail: 7gunxeber@gmail.com
Ünvan: Bakı şəhəri. Nəsimi rayonu.
© 2011. Bütün hüquqları qorunur. Məlumatlardan istifadə etdikdə istinad vacibdir.
Məlumat internet səhifələrində istifadə edildikdə müvafiq keçidin qoyulması mütləqdir!