Məşhur kolumbiyalı pop ulduzu Şakira "Latin Grammy" tərəfindən "İlin adamı" adına layiq görülüb. Mükafat ABŞ-da yerləşən və şou-biznezin 20 min nümayəndəsini birləşdirən "Latın Amerikası Səsyazma Akademiyası" tərəfindən təsis edilib. Akademiya Şakiranı bu mükafata bənzərsiz səsi və istedadından daha çox, fəal sosial həyatı və xeyriyyəçilik fəaliyyətinə görə verdiyini bəyan edib.
Qeyd edək ki, 34 yaşlı müğənni hələ 18 yaşında olarkən aztəminatlı ailələrin uşaqlarına yardım fondu təsis edib, daha sonra isə UNICEF-in xoşməramlı səfiri olub. Hazırda təbii fəlakətlərdən zərər çəkənlər üçün yardımın toplanmasında fəal iştirak edir.


7GUN.AZ