“Sağlam adamlara 2500-3000 manat müqabilində əlillik dərəcəsi verilir”

Ötən saylarımızda Saatlı rayon Mərkəzi Xəstəxanasında yerləşən VTEK –də yaşanan özbaşnalıqlar barədə yazı dərk etmişdik. Həqiqi xəstələri süründürməçiliyə məruz qoyan VTEK-in müdiri Kamil Məmmədovun əksinə olaraq sağlam adamlara 2500-3000 manat müqabilində əlillik dərəcəsi verdiyi bildirilir. Qeyd edək ki, VTEK-lə bağlı araşdırmalar zamanı olduqca ilginc məlumatlar əldə etmişik.
Saatlı rayonundan 7GUN.AZ xəbər portalına daxil olan məlumatda bildirilir ki, Kamil Məmmədov VTEK rəhbəri vəzifəsinə gəlməkdən ötrü Nazirliyə 120 000 manat rüşvət verdiyini açıq şəkildə bəyan edir. Və bildirir ki, belə olan halda verdiyi pulu necə çıxarmalıdır?
Mənbə bildirir ki, Kamil Məmmədovun Prezident Administrasiyasında da “adamı” var. Odur ki, “kim hara istəyir şikayət etsin”- deyir. Mənbə qeyd edir ki, VTEK-də təkrar tibbi komissyanın qiyməti 300 manatdır. K. Məmmədovun bir neçə pulyığanı və iş “düzüb-qoşan”ı var. Bildirilir ki, sağlam adamları 3000 manatın müqabilində əlil edən K. Məmmədov özü də 1-ci qrup əlildir: “Ayağının biri protezdir, qaraciyər serrozundan əziyyət çəkir. K. Məmmədovun bu vəzifədə çalışması mümkünsüz olduğuna tək bu əsasdır” - deyə mənbə bildirir. Məsələ ilə bağlı Saatlı rayon VTEK sədrinin də mövqeyini öyrənməyə çalışdıq. Təəssüf ki, telefonuna zəng çatmadı.
Səhiyyə Nazirliyinin Mətbuat Xidməti ilə əlaqə saxladıq. Özünü Səfayə Əhmədova kimi təqdim edən xanım bildirdi ki, 15 dəqiqədən sonra məsələyə münasibət bildirəcəklər. Ancaq zəngimizin üstündən bir neçə saat keçməsinə baxmayaraq, heç bir açıqlama verilmədi. Növbəti zənglərimiz isə cavabsız qaldı.
Qarşı tərəfin də mövqeyini öyrənməyə çalışacağıq. Mövzunu davam etdirəcəyik!

Afət Türksoy