“Bu villanın sahibi kimdir, ona deyin mənbu villanı almaq istəyirəm”

Məmurların böyük biznes şəbəkələrinə sahib olması barədə dəfələrlə yazılıb. Hətta onların saysız-hesabsız ticarət mərkəzlərinin, hotel və restoranlarının olması məsələsi də gündəmə gətirilib və faktlar ortaya qoyulub. Amma bu günə qədər rəsmi olaraq bu faktları təsdiqləmək mümkün olmayıb. Amma ən qəribəsi odur ki, bəzi biznesmen məmurlar onlara məxsus biznes mərkəzlərinin, villa və hotellərin sayını və yerini unudublar.
Bizimxeber.com-a daxil olan məlumat da məhz bu qəbildəndir. Belə ki, bu yaxınlarda nazirlərimizdən biri öz villasını tanımayıb. Bir neçə ay əvvəl rayonlardan birindən istirahətdən qayıdan nazir yolun kənarında dəbdəbəli bir villa görüb və sürücüsünə saxlamaq əmri verib. Villada çalışan fəhlələrin biri maşına yaxınlaşaraq nə lazım olduğunu soruşub. Nazir isə ona, “bu villanın sahibi kimdir, ona deyin mən bu villanı almaq istəyirəm”.
Naziri tanımayan fəhlə isə “Sizin o villanı almağa imkanınız yetməz. O, *********** ********dur” deyib. Bundan sonra sürüsünün yanında pərt olan nazir sürücüyə “sür gedək” əmri verib. Bakıya qayıtdıqdan sonra isə sürücünü işdən çıxarıb. Doğrudan da maraqlı mənzərədir, nazir öz villasını tanımırsa, deməli nə qədər pulunun olduğunu da bilmir. Yəqin ki, ölkədə belə nazirlərin sayı kifayət qədərdir.

Bizimxeber.com