Rayonda təmir-abadlıq işlərində çalışan fəhlələr iki aylıq zəhmət haqqlarını ala bilmir

Salyan rayon İcra hakimiyyəti tərəfindən fəhlələrin pulu verilmir. Belə ki, Salyan şəhərində görülən abadlıq-təmir işlərinda çalışan fəhlələrə iki aydır ki, əmək haqqı verilmir.
7GUN.AZ Xəbər.İnfo portalına istinadən xəbər verir ki, bu barədə sayta fəhlələrin özləri məlumat verib. Onların sözlərinə görə, sentyabrın 12-dən Salyanda yol kənarlarında abadlıq işlərini görüblər. Ancaq indiyə kimi, görülən işlərin müqabilində fəhlələrin zəhmət haqqısı ödənilməyib və pulun nə vaxt veriləcəyi barədə onlara dəqiq bir vaxt demirlər.
10-12 fəhlənin hər birinin 400-500 manat pulun icra hakimiyyəti tərəfindən ödənilmədiyi bildirilir.
Fəhlələrin sözünə görə, dövlət başçısı İlham Əliyevin Salyana səfəri gözlənildiyindən, şəhərdə abadlıq-təmir işləri görülür. Görünənlər isə onu deməyə əsas verir ki, Salyan icra hakimiyyətinin başçısı Tahir Kərimov fəhlələrin pulunu ödəmək fikrində deyil.

7GUN.AZ