Ötən ilin dekabr ayının 1-nə olan məlumata görə, Azərbaycanda dövriyyədə olan pul kütləsinin həcmi (M2 pul aqreqatı) 9 milyard 991,9 milyon manat təşkil edib.

Mərkəzi Bankın kommunikasiya departamentindən bildirblər ki, bu göstərici ötən ilin müvafiq dövrü ilə müqayisədə 34,7 faiz artmışdır ki, bu da iqtisadiyyatın zəruri likvidliklə təmin edildiyini göstərir.
Hesabat dövründə pul kütləsinin 6 milyard 529,4 milyon manatı nağd pul vəsaitlərinin, 1 milyard 497,6 milyon manatı tələb edilənədək vəsaitlərin, 1 milyard 964,9 milyon manatı isə müddətli depozitlərin payına düşmüşdür.