Vüqar Bayramov: “Azərbaycan vətəndaş cəmiyyəti tərəfindən hər bir platforma üzrə təkliflər hazırlanıb”

Sentyabrın 29-30-da Varşavada “Şərq Tərəfdaşlığı” proqramına üzv ölkələrin dövlət başçılarının ikinci zirvə görüşü keçiriləcək. Artıq Azərbaycan, Gürcüstan, Ermənistan, Moldova , Ukrayna tədbirdə iştiraklarını təsdiq ediblər. Belarus prezidentinin iştiraki məsələsi isə bu olkənin rəhbərliyinə tətbiq edilən viza baxımından dəqiqləşdirilməyib.

Avropa Birliyinin “Şərq Tərəfdaşlığı” proqramının Azərbaycan üzrə milli kordinatoru Vüqar Bayramovun verdiyi məlumata görə, tədbirin məqsədi “Şərq Tərəfdaşlığı” proqramına üzv ölkələrdə proqramla bağlı anlaşma imzalandıqdan keçən müddətdə görülən işlər, eləcə də proqramın 4 platforması ( insan haqları, demokratiya, iqtisadi inteqrasiya, ətraf mühit və enerji təhlükəsizliyi,insanlar arasında əlaqələr) üzrə Avropa Birliyinin şərtləri, onların yerinə yetirilmə məsələləri müzakirə ediləcək: “Tədbirdə həmçinin Avropa Birliyi ilə «Şərq tərəfdaşlığı” proqramına üzv olan ölkələr arasında əlaqələrin genişləndirilməsi, viza sisteminin liberallaşdırılması, asoşativ üzvülüklə bağlı danışıqlar, Azərbaycanın Ümumdünya Ticarət Təşkilatına üzvülüyü, Avropa Birliyi ilə azad ticarətin möhkəmləndirilməsi kimi məsələlərə diqqət yetiriləcək. Görüşdə yalnız hökümət qurumları deyil, Azərbaycanın vətəndaş cəmiyyəti institutlarının nümayəndələri də təmsil olunacaq”.

Məlum olub ki, “Şərq tərəfdaşlığı” proqramına üzv olan ölkələrlə müqayisədə Azərbaycan
VCT-ləri daha geniş tərkiblə görüşə qatılacaqlar: “Zirvə göürüşündə Vüqar Bayramov, İlqar İbrahimoğlu, Qubad İbadoğlu, Leyla Əliyeva, Sahib Məmmədov, Emin Hüseynov iştirak edəcəklər. Konfransda bir neçə panelin təşkili və ikitərəfli görüşlər planlaşdırılır. Belə ki, səfər çərçivəsində Avropa Birliyi mənim və İlqar İbrahimoğlunun Polşanın baş naziri Donald Tusk və Avropa Şurasının prezidenti Herman Van Rompuy ilə görüşlərimizi təşkil edib. Görüşdə Azərbaycanla Avropa Birliyi arasında münasibətlər, bu istiqamətdə atılan addımlar müzakirə ediləcək”.

Onun sözlərinə görə, vətəndaş cəmiyyətinin samitdə böyük tərkiblə təmsil olunması əhəmiyyətlidir: “Azərbaycan vətəndaş cəmiyyəti tərəfindən hər bir platforma üzrə təkliflər hazırlanıb. Təkliflər paketi Avropa Birliyi hökümətinə təqdim edilməklə bərabər panellərdə müzakirə ediləcək. Xatırladım ki, təkliflər sentyabrın 16-da Avropa Birliyi və hökümətin birgə təşkil etdiyi Bakı konfransında hazırlanıb. Təkliflərdə Azərbaycan hökümətinin görəcəyi işlər və Avropa Birliyinin prosesə hansı formada dəstək verməsi məsələləri əksini tapıb”.


7GUN.AZ