“Yaxın iki-üç ay ərzində Xəzərdə kəşfiyyat quyularının qazılması başa çatacaq”

Xəzər dənizindən karbohidrogen ehtiyatlarının çıxarılması İranın Neft Nazirliyinin prioritetidir. Bunu İranın neft naziri Rüstəm Qasımi Xəzər dənizində kəşfiyyat işləri ilə məşğul olan İranın "Neft Xəzər" şirkətinə baxış keçirərkən deyib. Qasımi bildirib ki, yaxın iki-üç ay ərzində Xəzərdə kəşfiyyat quyularının qazılması başa çatacaq: “Ümid edirəm ki, müsbət nəticə əldə olunacaq”.
Bundan əvvəl İranın "Neft Xəzər" şirkəti Xəzərdə 46 böyük və kiçik karbohidrogen strukturu kəşf etdiyini bəyan edib. Məlumata əsasən, kəşf olunan əhəmiyyətli strukturlar dənizin dərinliyində yerləşir.


7GUN.AZ