Reynhard Mitçek: «Konsorsium 2013-cü ilin əvvəlində yekun sərmayə haqqında qərar qəbul etmək niyyətindədir»

“Nabucco” konsorsimunun rəhbəri Reynhard Mitçek mətbuata açıqlamasında deyib ki, “Nabucco” layihəsinin yenidən nəzərdən keçirilmiş qiyməti mövcud qiymətdən artıq olmayacaq.
7GUN.AZ “APA-ECONOMICS”-ə istinadən bildirir ki, R.Mitçek layihənin yeni və dəqiq dəyərini açıqlamayıb. Konsorsium başçısı yalnız onu qeyd edib ki, qaz nəqlinə dair saziş noyabrda imzalanmalıdır: “Gələn ilin payız-yay aylarında isə açıq mövsüm başlayacaq”.
R.Mitçek deyib ki, konsorsium 2013-cü ilin əvvəlində yekun sərmayə haqqında qərar qəbul etmək və elə həmin ilin sonunda borunun tikintisinə başlamaq niyyətindədir.

7GUN.AZ