Bəstəkar Elza İbrahimovaya ensefalopatiya diaqnozu qoyulub

Azərbaycanın əməkdar incəsənət xadimi, sevilən bəstəkar Elza İbrahimovaya ensefalopatiya diaqnozu (beyin-qan dövranının pozulması) qoyulub.

Bu barədə Kliniki Tibbi Mərkəzinin baş həkimi Tərlan Bəbirov açıqlama verib. T. Bəbirov bəstəkarın mövcud vəziyyətinin stabil olduğunu qeyd edib: “Elza xanım hazırda xəstəxanada palata şəraitində müalicə olunur. Xəstəxanamıza dünən gətirilib və vəziyyətində dəyişiklik yoxdur. Danışıq qabiliyyəti pozulmayıb. Xəstəxanada necə gün qalacağını hələ dəqiq demək mümkün deyil”.