Bakıda bıçaqlanma hadisəsi baş verib

Bu barədə Bakı şəhər Baş Polis İdarəsindən bildirilib. Hadisə fevralın 2-si saat 22:40 radələrində paytaxtın Naxçıvanski küçəsində qeydə alınıb. Bakı şəhər sakinləri Ravil İbrahimov, Sədi Əliyev və Rəşad Adıgözəlov naməlum şəxs tərəfindən bıçaqlanıb. Yaralılar xəstəxanaya yerləşdiriliblər.

Nizami Rayon Polis İdarəsinin 24-cü Polis Bölməsi əməkdaşlarının keçirdikləri əməliyyat tədbirləri nəticəsində hadisədə şübhəli bilinən Şəki şəhər sakini Fariz Əhmədov fevralın 3-də yaxalanıb.