Bakıda doqquzmərtəbəli binada partlayış olub

Bu barədə Fövqəladə Hallar Nazirliyinin (FHN) mətbuat xidmətindən məlumat verilib.

Nazirlikdən bildirilib ki, paytaxtın Suraxanı rayonunda doqquzmərtəbəli yaşayış binasının 1-ci mərtəbəsinin girişində yüksək gərginlikli elektrik lövhəsində partlayış baş verib.

Hadisə nəticəsində girişdə döşəmə çöküb. Partlayışdan sonra yanğın baş verməyib. Elektrik lövhəsinin partlaması nəticəsində binaya işıq verilişi dayanıb. Liftdə qalan 1 nəfər bina sakini isə xüsusi alət və avadanlıqlar vasitəsilə yanğınsöndürənlər tərəfindən xilas olunub.

Qeyd edək ki, nazirliyin ilkin ehtimalına görə, partlayışa qısaqapanma səbəb olub.