10 nəfər isə stasionar müalicəyə yazılıb

Fevralın 20-də Bakıda baş vermiş qəzada ölən və yaralanan şəxslərin adları məlum olub. Nizami rayon Polis İdarəsindən verilən məlumata görə, Qara Qarayev prospekti, 9 ünvanında 1964-cü il təvəllüdlü Məlikov Babaəli Dilavər oğlunun idarə etdiyi “Daewoo” markalı 10 TG 404 nömrə nişanlı sərnişin avtobusu əvvəlcə 10 VG 320 nömrə nişanlı “Mercedes”lə toqquşub. Daha sonra 90 MJ 901 nömrəli digər “Mercedes”ə çırpılan avtobus yolun kənarındakı ağaclıq sahəsinə daxil olub və aşıb. Qəza nəticəsində sərnişin avtobusunun sərnişinlərindən 1972-ci il təvəllüdlü Ağayeva İncilə Ələkbər qızı hadisə yerində dünyasını dəyişib. Sürücü də daxil olmaqla 16 nəfər isə xəstəxanaya aparılıb. Yaralılardan 6-sı ilkin tibbi yardımdan sonra buraxılıb. 10 nəfər isə stasionar müalicəyə yazılıb.

Xəstəxanaya yerləşdirilmiş yaralılar bunlardır:

İman Bayramov – 22 yaş
Babaəli Məlikov – 48 yaş
Rozaxanım Muğbilova – 47 yaş
Gilas Məmmədova – 50 yaş
Hidayət Məmmədov – 52 yaş
Nərgiz Həsənova – 63 yaş
Seymur Manafov – 18 yaş
Sübhan Məmmədov – 13 yaş
Vəfadar Məmmədov – 47 yaş
Səlimə Muradova – 47 yaş

Faktla əlaqədar Nizami Rayon Polis İdarəsində Cinayət Məcəlləsinin 263.2 -ci (yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkən şəxsin ölümünə səbəb olma) maddəsi ilə cinayət işi başlanılıb.