Vətəndaş fiziki zorakılığa məruz qalıb

Salyanda ünvanlanan növbəti şikayət məktubunda yenə də vətəndaş özbaşınalıqdan şikayətlənir. Belə ki, oktyabrın 4 –də Salyan rayonu Kürqaraqaşlı kəndində Nəsirov Rəhman Əli oğlu qonşusu Nuruyev Akif Ümid oğlu ilə mübahisə edən zaman ikincinin qardaşı övladları Nuruyev Ceyhun və Bəhruz əmiləri ilə mübahisə edən Rəhmanı müxtəlif alətlərlə vəıhşicəsinə döyərək ona ciddi xəsarət yetiriblər.
Şikayət mətubunda bildirilir ki, hadisədən xəbər tutan polis əməkdaşları hadisə yerində olublar və tədqiqatçı Fikrət və əməlyatçı Elşən polis zabitləri xəsarət yetirənləri imkanlı şəxs kimi tanıdıqları üçün zərər çəkənə hədə qorxu gələrək şikayətçi olmamağı təklif ediblər.
Polilər əks halda Rəhmanı da həbs edəcəklərini söyləyiblər. Hadisədən 2 saat sonra vəzyyəti ağırlaşan Rəhman xəstəxanaya müraciət edərək tibbi yardım almaq istəsə də xəsarat yetirənlərin atası Nuruyev Şakir Ümid oğlu burada da ona maneçilik törədib. Belə ki, həkimlərlə əlaqəyə keçən Şakir Nuriyev ağır xəsarət alan Rəhman Nəsirovun xəstəxanaya yerləşdirilməsinə imkan verməyib.
2 gündən sonra vəzyyəti ağırlaşan Rəhmanı rayon xəstəxanası qəbul etməkdən imtina etdiyinə görə onu Bakı şəhərinə gətirmişlər. Hal-hazırda xəstənin vəziyyətinin ağır olduğu bildirilir. Cinsi orqanlarının ciddi xəsarət almasını görən paytaxt həkimləri onu təcili əməlyat edərək reanimasiya şöbəsinə yerləşdiriliblər.
Şikayət məktubunda bildirilir ki, hadisədən bir həftə ötsə də baş vermiş hadisə ilə bağlı heç bir cinayət işi açilmayıb.Hətda zərərçəkənin qardaşı Nəsirov Heybət Əli oğlu dünənə qədər polisə təqdim etmək istədiyi şikayət ərizəsini polis qəbul etməkdən imtina edib.

pia.az