Müdafiə tərəfi fəalın ev dustaqlığına buraxılması barədə vəsatət qaldıracaq


Dünən Bakı Apellyasiya Məhkəməsi AXCP üzvü Mirfeyzulla Seyidovun həbsilə bağlı şikayəti təmin etməyib. Müdafiə tərəfi ağır xəstə olan fəalın ev dustaqlığına buraxılması barədə vəsatət vermək niyyətindədir.

Vəsatət mayın 23-də təqdim olunacaq. 7GUN.az-ın məlumatına görə, bu barədə vəkil Cavad Cavadov bildirib.

Onun sözlərinə görə, Apellyasiya Məhkəməsində M.Seyidov ittihamla razı olmadığını bildirib və səhhətinin ağır olması ilə əlaqədar azadlığa buraxılmasını xahiş edib.

M.Seyidov mayın 9-da saxlanılıb. Növbəti gün məhkəmə onu qanunsuz narkotik maddə dövriyyəsində ittiham edərək 4 ay müddətinə həbs edib. AXCP-dən bildiriblər ki, M.Seyidov siyasi motivlərlə təqib olunur.

7gün ; 7gun ; 7 gün ; 7 gun ; 7gün.az ; 7gun.az ; 7günaz ; 7gunaz ; 7 gün.az ; 7 gun.az ; 7gün.tv ; 7guntv ; 7 gün.tv ; 7 gun.tv ; 7güntv ; 7guntv