Zəfər Əhmədli azadlığa buraxılmayıb

Şrift : |
Tarix :6-08-2018, 23:01
Bölmə : Gündəm
Kömək :    
Baxılıb : 104 dəfə
Like :
Like :

    Zəfər Əhmədli azadlığa buraxılmayıb

    Bakı Apellyasiya Məhkəməsi Azərbaycan Xalq Cəbhəsi Partiyasının (AXCP) inzibati qaydada həbs edilmiş fəalı Zəfər Əhmədlini azadlığa buraxmayıb.

    AXCP-dən verilən məlumata görə, qərarı hakim Elşad Şamayevin sədrlik etdiyi məhkəmə heyəti bu gün, avqustun 6-da qəbul edib.

    Partiyadan bildiriblər ki, məhkəmədə Zəfər Əhmədlinin özü də iştirak edib. Verilən məlumata görə, O, çıxışında apellyasiya şikayətinin dəlillərini müdafiə edib. Bildirib ki, polisin qanuni tələbinə əməl etməməkdə günahlandırılması tamamilə əsassızdır.

    AXCP-nin məlumatına görə, Zəfər Əhmədli nəql edib ki, iyulun sonunda Nabranda istirahətdən qayıdıb. Deməsinə görə, evə çatanda elektrik xətlərinin kəsildiyini görən AXCP üzvü bu məsələ ilə maraqlanıb, küçəyə çıxan kimi "Mersedes" markalı avtomobillə polisə aparılıb.

    "Məhkəmə qərarında göstərilir ki, güya, küçədə işıq idarəsi nümayəndəsi ilə mübahisə etmişəm, polis bizi aralamaq istəyib, onların tələblərinə əməl etməmişəm", AXCP-dən verilən məlumata görə, Zəfər Əhmədli bunun qurama olduğunu məhkəmənin diqqətinə çatdırıb.

    Verilən məlumata görə, onun vəkilləri də aşağı məhkəmənin qərarının qanunsuz və əsassız olduğunu, bu səbəbdən ləğv edilməli olduğunu bildiriblər.

    Ancaq hakim Elşad Şamayevin sədrlik etdiyi məhkəmə heyəti apellyasiya şikayətini rədd edib.

    İyulun 27-də Xətai Rayon Məhkəməsi AXCP fəalı Zəfər Əhmədliyə 30 sutka inzibati həbs cəzası verib. Onun küçədə inzibati qaydanı pozmaqda və onu intizama dəvət edən polisin tələbinə tabe olmamaqda günahlandırıldığı bildirilir.

    AXCP-dən isə Zəfər Əhmədlinin həbsinin gerçək səbəbinin "Facebook" sosial şəbəkəsində yazdığı statuslar olduğu deyilib.

    Zəfər Əhmədli həm də həbsdə olan AXCP üzvü Fuad Əhmədlinin atasıdır. Fuad Əhmədli 2016-cı il avqustun 17-də saxlanıb.

    O, Cinayət Məcəlləsinin 302.1 (əməliyyat-axtarış fəaliyyəti haqqında qanunvericiliyi pozma) və 308.1 (vəzifə səlahiyyətlərindən sui-istifadə) maddələri ilə ittiham olunub. 2017-ci ildə Bakı Ağır Cinayətlər Məhkəməsinin hökmü ilə ona 4 il həbs cəzası kəsilib.

    Fuad Əhmədli ittihamları rədd edir və siyasi baxışlarına görə həbs olunduğunu bildirir.

    Turan.az


Xəbər lenti

''Xəstəxananın direktoru işçiləri alçaldır''

''Bədənimə hərəsi 3 dəqiqə olmaqla 5 dəfə tok verdilər''

MİLLİ MƏCLİS ƏHLİ KEYF ELƏYİR! – Biri çəkir, biri içir, ağsaqqal da rəqs eləyir! (VİDEO)

DİN-də ciddi kadr dəyişikliyi baş verib

Bakı Nəqliyyat Agentliyi xüsusi rejimdə fəaliyyətini davam etdirir

"Mehman Hüseynova və digər siyasi məhbuslara azadlıq" tələbilə aclıq davam edir

Azərbaycan hakimiyyəti misli görünməmiş təzyiqə məruz qoyulub

"Ölkədə hər şeyi dəyişmək lazımdır. Həm siyasi sistemi, həm iqtisadi sistemi, həm sosial-təminat, təhsil, səhiyyə və s."-A.Qasımlı

"Yalnız güclü və israrlı beynəlxalq kampaniya Azərbaycan hökumətini Mehman Hüseynovu azad etməyə və ölkədə qalan sonuncu tənqidi jurnalistlərin təqibinə son qoymağa məcbur edə bilər"

Azərbaycan Xalq Cəbhəsi Partiyasının fəalları məhkəmə qarşısına çıxarılıb

"Mehman Hüseynova və bütün siyasi məhbuslara azadlıq" tələbi ilə aclıq aksiyası davam etdirilir

Qırmızı Xaç Komitəsinin nümayəndələri 13 saylı koloniyada aclıq edən siyasi məhbuslara baş çəkiblər

Azərbaycanda 24 min 117 məhbus var

Elnur Cəfərov Vidadi Səmədovun mobil telefonlarını və pulunu niyə qaytarmır? (Audio)

Məhbus xanımı Litvada aksiya keçirib

"Meqa-Siti Holdinq" MMC-in qurbanının aqibəti necə olacaq? (Audio)

F. Fərəməzoğlunun işində də zərərçəkmiş şəxs həbs edilib

Polis bölməsi qarşısında özünü yandıran şəxsin vəziyyəti ağırdır

Penitensiar Xidmət həbsxanalarda aclıq aksiyası keçirilməsi barədə məlumatı təkzib edir

Dörd fəal həbsxanada müddətsiz aclıq elan edib

Aclıq aksiyası davam etdirilir

E.Məmmədyarov və Z.Mnatsakanyan görüşəcək

Emin Hüseynov: “Mehman güclü təzyiq altındadır”

Təqvim

«    Yanvar 2019    »
BeÇaÇCaCŞB
 123456
78910111213
14151617181920
21222324252627
28293031 

Bizi izləyin

Təsisçi və baş direktor: Cavid Şirəliyev
Baş redaktor: Vidadi Sultan
Tel/Whatsapp: (+99450) 315-08-08
E-mail: 7gunxeber@gmail.com
Ünvan: Bakı şəhəri. Nəsimi rayonu.
© 2011. Bütün hüquqları qorunur. Məlumatlardan istifadə etdikdə istinad vacibdir.
Məlumat internet səhifələrində istifadə edildikdə müvafiq keçidin qoyulması mütləqdir!