Jurnalistin ölümündə təqsirli bilinən Samir Mustafayevin kassasiya şikayətinə baxılıb

Şrift : |
Tarix :29-08-2018, 01:48
Bölmə : Gündəm
Kömək :    
Baxılıb : 31 dəfə
Like :
Like :

    Azərbaycan Ali Məhkəməsində Tahir Kazımovun sədrliyi ilə Bakı Ağır Cinayətlər Məhkəməsi tərəfindən jurnalist Rasim Əliyevin ölümündə təqsirli bilinən Samir Mustafayevin kassasiya şikayətinə baxılıb.

    Samir Mustafayev özü məhkəməyə gətirilməyib, belə ki, bunu istəməyib. Məhkəmə məhkəməni onun iştirakı olmadan keçirmək qərarı qəbul edib.

    Mustafayevin hüquqlarını müdafiə edən vəkil Bəxtiyar Hacıyev qeyd edib ki, kassasiya şikayətini dəstəkləyir və məhkəmədən müvəkkilinə bəraət verilməsini xahiş edir.

    "Samir Rasim Əliyevin döyülməsində iştirak etməyib. Hətta istintaqın təqdim etdiyi cinayət yerindən videogörüntülərdə Samirin döymədiyi, əksinə, Rasimə ayağa qalxmağa kömək etdiyi görünür. Amma, buna baxmayaraq, o, 9 il müddətinə azadlıqdan məhrum edilib. Sizdən kassasiya şikayətini təmin etməyinizi xahiş edirəm", deyə vəkil bildirib.

    Daha sonra həlak olmuş jurnalistin anası Teyfurə Əliyevaya söz verilib.

    "Bildiyiniz kimi, Rasimin ölümü ilə nəticələnən hadisədə Samirin də rolu var. Cinayət əvvəlcədən planlaşdırılıb. Rasimi futbolçu Cavid Hüseynovun əməllərinə münasibət bildirdiyinə görə döyüblər.

    Elşən İsmayılov (məhkəmə tərəfindən təqsirli bilinərək, 13 il müddətinə azadlıqdan məhrum edilib - red.) Rasimi döymək üçün adam yığıb. Videogörüntülərdə Samirin əməlləri aydın deyil. Hesab edirəm ki, bütün təqsirləndirilən şəxslər barəsində çox yüngül hökm çıxarılıb", deyə o bildirib.

    Bu məqamda hakimlərdən biri Əliyevanın nitqini bölərək bildirib ki, prosesdə işin təfsilatına baxılmır, şikayətə münasibət bildirilir.

    Teyfurə Əliyeva məhkəmədən şikayəti təmin etməməyi xahiş edib.

    Prokuror Ramin Allahverdiyev də kassasiya şikayətini təmin etməməyi xahiş edib.

    Yerindəcə məşvərət edən hakimlər kassasiya şikayətini təmin etməyiblər, Samir Məmmədov barəsində hökmü qüvvədə saxlayıblar.

    Xatırladaq ki, 2016-cı il aprelin 1-də Bakı Ağır Cinayətlər Məhkəməsi Elşən İsmayılov, Arif Əliyev, Camal Məmmədov, Samir Mustafayev və Kənan Mədətovu Rasim Əliyevin ölümündə təsirli bilib və onları müvafiq olaraq 13 il, 12 il yarım, 11, 9 və 9 il müddətinə azadlıqdan məhrum edib. /Turan.az/


Xəbər lenti

Nazirlər Kabinetində iki vəzifəli şəxsin dövlət qulluğuna xitam verilib.

MTN generalları yenidən hakim qarşısında

Badamdarda sürüşmə ilə əlaqədar ETSN tərəfindən Qərargah yaradılıb

Azərbaycan prezidenti ilə Türkmənistan XİN başçısının görüşündə əməkdaşlıq perspektivləri müzakirə edilib

Rəşid Meredov Azərbaycana səfərə gəlib

Azərbaycanda Dövlət Müstəqilliyi Gününün 27-ci ili qeyd edilir

Müsavat Partiyası A.Həsənovun siyasi motivlərlə təqib olunduğunu bildirir

Xətai rayonunda 24 yaşlı gənc intihar edib

7GUN.az Prezidentə və hüquq mühafizə orqanlarının rəhbərlərinə müraciət etdi

Masallı sakini: "Əsgərlikdə xəstəlik tapdım, pensiya ala bilmirəm"

Hakimiyyət Badamdar qəsəbəsində sürüşmə zonasında evləri sökməyə hazırlaşır

Cahangir Hacıyev Dünyamin Xəlilovla birlikdə məhkəmə qarşısına çıxarılacaq

Baş həkim Cəlil Nəzərov oğurluq da edir?!

“Əməliyyatda heç bir məsuliyyətsizlik olmayıb"- Modern hospitaldan açıqlama

“Mirəlioğlu partiyanı ata malı bilir, nə gəldi edir"

Azad Həsənova qarşı narkotik ittihamı irəli sürülür

İlham Əliyev Astara və Lerikə səfər edib

Jurnalist Əfqan Muxtarlı karserə salınıb

MTN-in keçmiş İstintaq İdarəsinin şöbə rəisi vaxtından əvvəl azadlığa buraxılıb

Deputat "Bakı Lift-Təmir” İB-nin işdən qovulan sabiq rəisi ilə bağlı açıqlama verib

"Hansısa bir cinayət əməli törətsə və ona görə tutulsa idim işə götürülməyimdə problem olmayacaqdı" Zaur Qurbanlı

Milli Dövlətçilik Partiyasının sədri həbs olunub

Vətəndaş cəmiyyətinin hazırki vəziyyəti və vəziyyətdən çıxış yolları müzakirə olunub

Təqvim

«    Oktyabr 2018    »
BeÇaÇCaCŞB
1234567
891011121314
15161718192021
22232425262728
293031 

Bizi izləyin

Təsisçi və baş direktor: Cavid Şirəliyev
Baş redaktor: Vidadi Sultan
Tel/Whatsapp: (+99450) 315-08-08
E-mail: 7gunxeber@gmail.com
Ünvan: Bakı şəhəri. Nəsimi rayonu.
© 2011. Bütün hüquqları qorunur. Məlumatlardan istifadə etdikdə istinad vacibdir.
Məlumat internet səhifələrində istifadə edildikdə müvafiq keçidin qoyulması mütləqdir!