“Ev həbsində olmasaydım Türkiyədə olmaq istərdim”


"Wikileaks" saytının qurucusu Culian Assanc İstanbulda keçirilən "Yeni Media Düzəni” Konfransında video-konfrans yoluyla çıxış edib.
"Ev həbsində olmasaydım Türkiyədə olmaq istərdim" deyə sözə başlayan Assanc həqiqətlərin bir insanın qabırğasını qıra biləcəyini söyləyib. Son aylarda dünyanın ən məşhur adamlarından birinə çevrilən Assanc həqiqətin islahat aparmaq üçün kifayət etmədiyini, ancaq bir çox şeyi dəyişdirmə ümidinə sahib olmağı təmin edə biləcəyini deyib. Bu ümidin bir çox ölkədə yaşarmağa başladığını qeyd edən Assanc Yaxın Şərqdəki prosesləri buna misal göstərib.
"The Guardian" və "New York Times"i ''saxta peyğəmbərlər" adlandıran "Wikileaks"ın qurucusu bunlarla müqayisədə Türkiyə mediasının daha güclü və daha tutarlı mövqedə olduğunu vurğulayıb.
İki ay əvvəl izlədiyi “Kurtlar Vadisi Fələstin” filminin onu heyrətləndirdiyini də qeyd edən Assanc filmi "Çətin ölüm"ün (Die Hard) türk versiyası olduğunu söyləyib. Filmdə müharibəyə başqa bir nöqtədən baxıldığını, mövzunun müsəlmanları öldürməkdən daha çox İsraillə bağlı olduğunu qeyd edən Assanc bunun bir ziddyyət olduğunu deyib: "Bu da dünyanın indiki vəziyyəti baxımından çox önəmlidir. Mən son dərəcə ümidliyəm. Kommunikasiya və texnologiya inqilabı sayəsində bir çox fərqli perspektivi görə biləcəyik. Bir tərəfdə Die Hard olacaq, amma digər tərəfdə də “Kurtlar Vadisi” olacaq".
Çıxışından sonra sualları cavablandıran Assanc ABŞ-ın Türkiyədəki nüfuzunu qormaqda qərarlı olduğunu bildirib: "Türkiyə ABŞ tərəfindən regional güc olaraq qəbul edilir. Türkiyə geopolitik baxımdan keçid nöqtəsində yerləşir. ABŞ Türkiyəni yerləşdiyi coğrafiyadakı bütün bölgələrə təsir edə biləcək bir cihaz, vasitə kimi görür. Türkiyədə son zamanlarda inkişaf edən maraqlı proseslərdən biri də bu ölkənin siyası baxımdan özünü tapmasıdır. Bu da İsraildə həyəcan vəziyyəti yaradır. Türkiyə müstəqilliyini inkişaf etdirmək mənasında irəliləyir. Yəni Türkiyə tamamilə NATO-dan və digər ABŞ kəşfiyyat agentliklərindən müstəqildir deyə bilmərik. Türkiyə də digər NATO ölkələri kimi bu sistemin içindədir. Amma bu mərhələdə Türkiyə istənilən hər şeyə dərhal cavab verən bir ölkə deyil. Bu da qürur duyulacaq bir nöqtədir".

7GUN.AZ