Gürcüstandan AFFA Hakimlər Komitəsinin sədri Xəqani Məmmədova təşəkkür məktubu daxil olub.
Məktub çimərlik futbolu üzrə FİFA referisi Əfqan Həmzəyevin Gürcüstanda çimərlik futbolunun inkişafında yaxından iştirakına və göstərdiyi köməyə görə göndərilib. Xatırladaq ki,ölkəmizdə çimərlik futbolu üzrə yeganə FİFA referisi olan Həmzəyev dəfələrlə çimərlik futbolu üzrə mötəbər turnirlərdə istər hakim, istərsə də təşkilatçı kimi daim ölkəmizin adını ucaldıb .Belə turnirlərdən biri də bu yaxınlarda Gürcüstanın Batumi şəhərində keçirilmiş "BATUMIBEACH" beynəlxalq turniri olub.Turnirin təşkilat komitəsinin sədri təyin olunan Həmzəyev yarışın yüksək səviyyədə keçirilməsində Gürcüstan Futzal Federasiyasına böyük köməklik göstərib. Mundial.az xəbər portalı həmin təşəkkür məktubunu tərcümə ilə təqdim edir:

"Azərbaycan Futbol Federasiyası
Hakimlər komitəsinin sədri
cənab Xəqani Məmmədova

Hörmətli Məmmədov.

Nəzərinizə çatdırım ki, artıq 3 ildir Çimərlik Futbolu üzrə Adjariya Futbol Federasiyası gözəl şəhərimiz olan Batumidə çimərlik futbolunun inkişafına çalışır. 2010 - 2011 ci illər də bizim federasiyamızın rəhbərliyi altında Batumi şəhərində çimərlik futbolu üzrə "BATUMIBEACH" beynəlxalq festivalı keçirilib. Xatırlatmaq yerinə düşər ki , 2011- ci ildə beynəlxalq festivalda 9 komanda iştirak etmişdir ki,bunlardan 5-i beynəlxalq komanda və 2-i Azərbaycan komandaları "Xəzər" və "Okean" olub. Bundan əlavə mən dərin təşəkkürümü bildirirəm Azərbaycan Çimərlik Futbolu Federasiyasına və beynəlxalq dərəcəli hakim Əfqan Həmzəyevə.
Cənab Həmzəyev heç düşünmədən festivalın təşkilatında bizə kömək etdi. Onun rəhbərliyi altında Batumidə çimərlik futbolunun qaydaları mövzusunda həm hakimlər, həm də komandalar üçün çox uğurlu seminarlar keçirildi. Onun bir hakim kimi peşəkarlığı nəinki iştirakçılar tərəfindən hətta, Adjariya İdman Departamenti tərəfindən də çox yüksək qiymətləndirilib.
Cənab Həmzəyev bizimlə əməkdaşlığını indi də uğurla davam etdirir və biz onunla yeni bir layihə üzərində çalışırıq. 2012- ci ildə Batumidə Avropadan olan altı yığma komandaların iştirakı ilə "BLACK SEE CUP - BATUMI" adlı beynəlxalq turnir keçirməyi planlaşdırmışıq.
Bütün gürcü xalqı adından bizə verdikləri dəstəyə görə Azərbaycan xalqına öz dərin minnətdarlığımzı bildiririk və əminik k,i bizim çoxəsrli dostluğumuz bundan sonra daha da möhkəmlənəcək.
Bir daha verdikləri dəstəyə görə sizin komitənin bütün əməkdaşlarına və cənab Həmzəyevə sonsuz təşəkkürümu bildirirəm.
Qarşıdan gələn yeni 2012- ci il münasibəti ilə sizi təbrik edir və yeni - yeni naliyyətlər arzu edirəm.
Allah sizi qorusun.

Hörmətlə
Adjariya Çimərlik Futbolu və
Futzal Federasiyaları prezidenti Caba Çanturiya"



PS: Gürcüstanın və digər ölkələrin belə xidmətində maraqlı olduğu və ardıcıl uğurlar əldə edən bir hakimimizə Azərbaycanda ehtiyac duyulmur. Bunun səbəbi də hamıya bəllidi... Sadəcə, Ramin Musayevin Əfqan Həmzəyevin hakimlik etməsini istəməməsi!!!