2 jurnalistin hər biri ölkə prezidentinə 1 milyon dollar ödəməyə məhkum edildi

Ekvadorda 2 jurnalist hər biri ölkə prezidenti Rafael Korreaya 1 milyon dollar ödəməyə məhkum edildi. Buna səbəb junalistlər Xuan Karlos Kalderon və Kristiana Zuritanın 2010-cu ildə yazdıqları "The Big Brother” (Böyük qardaş) kitabı olub. Məhkəmə jurnalistləri böhtan atmaqda ittham edərək onların hər birinin ölkə prezidentinə 1 milyon dollar ödəməsinə qərar verib.

Qeyd edək ki, bu kitabda Rafael Korreanın böyük qardaşı Fabrizio Korreanın dövlətlə 600 milyon dollarlıq müqavilələr bağladığı iddia olunub.

Mətbuat azadlığı müdafiəçiləri isə ölkə prezidentinin özünü tənqid edənləri susdurmağa çalışdığını irəli sürüb.