Yağıntı günün ikinci yarısına kimi davam edəcək

Bu gün səhər saatlarından paytaxt Bakıya yenidən qar yağmağa başlayıb. Qar yağışı paytaxtın çox hissəsində müşahidə edilir. Ekologiya və Təbii Sərvətlər Nazirliyi Milli Hidrometeorologiya Departamentinin məlumatına görə, bu gün Bakıda və Abşeron yarımadasında havanın yağıntılı olacağı, sulu qar, qar yağacağı, günün ikinci yarısında tədricən kəsiləcəyi gözlənilir. Temperaturun gecə 0°-yə yaxın, gündüz 2-5° isti olacağı gözlənilir.

Yanvarın 25-də günün ikinci yarısından başlayaraq bəzi yerlərdə yağıntılı olacağı, axşama doğru qar yağacağı proqnozlaşdırılır. Cənub-qərb küləyi axşam arabir güclənən şimal küləyi ilə əvəz olunacaq. Havanın temperaturunun gecə 0-2 dərəcə şaxta, gündüz 3-6 dərəcə isti olacağı gözlənilir.