Vəsiyyətnamənin diktatorun ölümündən 3 gün əvvəl 3 nüsxədə yazılaraq, 3 yaxın qohumuna verildiyi bildirilir

İnternetdə Müəmmar Qəddafinin vəsiyyətnaməsi yayılıb. Vəsiyyətnamənin Müəmmar Qəzzafiyə sadiq qüvvələrin saytından yayıldığı bildirilir. Vəsiyyətnamədə keçmiş lider öz yaxınlarından onu doğma Sirt şəhərində basdırmalarını xahiş edir və "işğalçılarla mübarizəni dayandırmamağa" çağırır.
Qəddafinin ölümündən 3 gün əvvəl yazdığı vəsiyyətnaməsinin 3 nüsxədə yazılaraq, 3 yaxın qohumuna verildiyi bildirilir. Adları çəkilməyən qohumlardan biri öldürülüb, biri əsir götürülüb, yalnız biri Sirtdən qaça bilib. Devrilmiş liderin oğlu Seyf əl-İslam isə atasının qisasını alacağına söz verib (anspress).