Onlar Vanda bu günə qədər 10 nəfəri dağıntılar altından sağ çıxarıblar

Gecə saatlarında Türkiyənin Van şəhərinə yardıma gedən Azərbaycan xilasediciləri dağıntılar altından daha 2 nəfərin cəsədini çıxarıblar.
7GUN.AZ Fövqaladə Hallar Nazirliyinin rəsmi saytına istinadən bildirir ki, nazirliyin xilasediciləri tərəfindən bu günə qədər 10 nəfər xilas edilib, 36 cəsəd dağıntılar altından çıxarılaraq aidiyyəti yerlərə təhvil verilib.
Qeyd edək ki, 23 oktyabrda Türkiyənin Van şəhərində baş verən 7.2 bal gücündə zəlzələ nəticəsində ölənlərin sayı 432-yə çatıb. Son məlumata görə, 1352 yaralı var. 2300 bina isə yerlə-yeksan olub.

7GUN.AZ