Yük maşınının təkrinin partlaması 19 yaşlı əşgərin ölümünə səbəb oldu

Bu gün Müdafiə Nazirliyinin Sumqayıtda yerləşən “N” saylı hərbi hissəsinin əsgəri ölüb.
7GUN.AZ APA-ya istinadən xəbər verir ki, Milli Ordunun əsgəri, 19 yaşlı Cavid Elşən oğlu Əliyev növbətçi yük maşınının təkərinə hava dolduran zaman təkər partlayıb. Partlayış nəticəsində təkərin çarxının bir hissəsi əsgərin başına dəyib. Əsgər başından aldığı xəsarətdən dünyasını dəyişib.
Müdafiə Nazirliyinin mətbuat xidmətinin rəis müavini Teymur Abdullayev APA-ya açıqlamasında faktı təsdiqləyib.
Qeyd edək ki, C. Əliyev 2010-cu ildə Ağdaş Rayon Hərbi Komissarlığından həqiqi hərbi xidmətə çağırılıb.

7GUN.AZ