Diktatorun Şimali Koreyada yaşadığı iddia olunur

Liviyada baş verən inqilabi proseslər zamanı müxalifət tərəfindən öldürülən Mummar Qəddafinin sağ olduğuna dair iddialar çoxalmağa başlayıb. Qərb mətbuatı xəbər verir ki, bu iddiaların sırasına daha biri əlavə olunub. Həmin məlumatlara görə, Qəddafi sağdır və hazırda Şimali Koreyada yaşayır.
Qərb mətbuatı bununla bağlı yazır ki, Liviyada inqilabçıların əlinə keçən şəxsin Qəddafi olub-olmadığı tam dəqiq deyil. Onların arqumentləri belədir ki, Liviyanın keçmiş lideri öz oxşarını ortaya çıxarıb və onun müxalifətin əlinə keçməsi planını reallaşdırıb. Məqsəd isə müxalifətçilərdə əminlik yaradaraq, ölkəni tərk etmək və başqa bir ölkədə yaşamaq olub.
Məlumatlarda vurğulanır ki, Qəddafi hal hazırda Şimali Koreyada yaşayır və orada Kim Jonq Linin razılığı əsasında həyatına davam edir. Övladlarını isə yanına almayıb ki, bundan Amerika duyuq düşə bilər. Amma onun uşaqlarının bir müddət sonra Şimali Koreyaya daşınacağı gözlənilir.
Bu əsnada onu da bildirək ki, Liviyadakı hadisələr Şimali Koreya rejiminin də qorxusuna səbəb olub. Koreyanın diktatoru Kim Jonq Linin göstərişinə əsasən ərəb dünyasında baş verən inqilablarla bağlı bütün məlumatlar gizlədilir. Bu barədə yerli mətbuat ümumiyyətlə, bir cümlə də belə yazmırlar. Məsələdən xəbərdar olanlar isə yalnız ən yüksək səviyyədə təmsil olunan məmurlardır.
Ərəb dünyasında baş verənlərin Şimali Koreyada yayılmasının qarşısını almaq üçün Kim Jonq Li daha bir addım atıb. Belə ki, diktator ərəb inqilabları baş verən ölkələrdə işləyən koreyalıların ölkəyə gəlməsinə qadağa qoyub. Təkcə Liviyada 200-dən artıq Şimali Koreya vətəndaşı var ki, onların geri qayıtmasına imkan verilmir.
ABŞ-ın "Watan" dərgisinə istinadən verdiyi məlumata görə, o, Liviyanın sabiq lideri Müəmmar Qəzzafinin sağ olduğunu, Sirtdə qiyamçıların öldürdükləri şəxsin başqa adam olduğunu bildirib. Ekspertin sözlərinə görə, onun əlində Qəzzafinin sağ olduğuna dair "tutarlı faktlar" var. "Onların ən tutarlısı Qəzzafinin həbs olunduğunu göstərən videoçəkilişdir. Qəzzafinin saçı qaradır. Qiyamçıların əhatəsində olan şəxsin saçının rəngi isə qəhvəyiyə çalır. Amma sonradan nümayiş etdirilən cəsədin saçı qaradır. Bundan başqa, Qəzzafi vaxtilə qarın boşluğundan əməliyyat keçirib və onun qarnında böyük çapıq vardı. Nümayiş etdirilən cəsədin bədənində isə buna rast gəlinmir".

7GUN.AZ