Bu, artıq son 5 ildə öldürülən 26-cı bələdiyyə sədridir

Meksikanın Miçiqan bölgəsinin La Piedad şəhər bələdiyyəsinin sədri Rikardo Guzmanın öldürülməsilə ölkədə 2006-cı ildən bu yana öldürülən bələdiyyə sədrlərinin sayının 26-ya çatdığı bildirilib.
Bizimxeber.com-un Əl Cəzirəyə istinadən verdiyi xəbərə görə, Guzman gecə restoranın qarşısında olarkən açılan atəş nəticəsində öldürülüb.
Bələdiyyə sədrinin öldürülməsi 13 noyabrda baş tutacaq seçkilər və ölkənin demokratiyasına təsirilə bağlı yeni problemlər meydana gətirib.
Miçiqan narkotik qaçaqmalçılarının mövcud olduğu və siyasətlə narkotik münasibətindən təsirlənən bölgələrə başçılıq edir.
Qeyd edək ki, La Piedad Təhlükəsizlik müdiri də vəzifəyə başladıqdan bir neçə ay sonra - mart ayında öldürülüb. Onun yerinə gələn təhlükəsizlik müdiri də iyul ayında hücuma məruz qalıb, lakin sonradan canını qurtarıb.
Meksikada prezidenti Filip Kalderonun narkotiklə silahlı mübarizə elan etməsindən– 2006-cı ilin dekabr ayından indiyə kimi Guzmanla birlikdə 26 bələdiyyə sədri öldürülüb.

7GUN.AZ