İmişlidə “su üsyanı”...

Şrift : |
Tarix :9-07-2018, 21:18
Bölmə : Özəl
Kömək :    
Baxılıb : 600 dəfə
Like :
Like :

    İmişlidə “su üsyanı”...

    Mərkəzi Aran rayonlarında insanlar qızmar yay günlərində çətin problemlə üzləşiblər. Hərarətin yüksək olduğu bu bölgədə əkin- biçinlə məşğul olan yeri sakinlər, fermerlər su qıtlığından əziyyət çəkirlər. Problemi doğuran səbəblərdən biri su ehtiyatının düzgün bölünməməsi və idarə olunmaması ilə bağlıdırsa, digər problem su kanallarının illərlə təmizlənməməsi, qazılmaması və məmur laqeydliyi ilə əlaqədardır.
    Hazırda pambıq, taxıl, yonca və s. əkən yerli sakinlər və fermerlər əkinlərini suvara bilmirlər. Yaranmış durumdan narahatçılığını bildirən İmişli rayon Xəlfəli kənd sakini, fermer Novruzov Cavid qeyd edir ki, əkdiyi məhsulu suvara bilmədiyindən çəkdiyi əziyyətin məhv olması təhlükəsi ilə üzləşib; “Problemlə əlaqədar olaraq dəfələrlə yerli və mərkəzi aidiyyatı qurumlara müraciət etsəm də heç bir nəticə əldə olunmur. Qaynar xətlər işləmir. Vəzifəli şəxslər bizi eşitmir. İmişli Suvarma Sistemləri İdarəsinin rəisi Nizami Məmmədov bu işə əsas məsul şəxs olsa da problemin həlli ilə bağlı heç bir addım atmır. Bu gün rayonda kimin imkanı, vəzifəsi, arxası varsa onun sözü keçir. Daha çox bu şəxslərin yeri suvarılır. Bizim kimi arxasız, adamsız adamların min bir əziyyətlə becərdiyi məhsul məhv olur. Hər yerdə, hər işdə olduğu kimi bu işdə də ayrı- seçkilik edirlər. Yaxşı bəs biz dərdimizi kimə deyək? Dövlət başçısının çağrışı ilə pambıq əkdik, becərdik, məhsulun yetişməsi ərəfəsində son suvarmanı həyata keçirə bilmirik. Kimsə bizə eşitmir. Ölkənin bu qədər su ehtiyyatı olduğu halda biz əkin yerlərimizi suvara bimirik. Biz əkin yerlərini suvara bilməyəcəkdiksə bu məhsulu əkməyə dəyərdimi?”
    Cavid Novruzovun bildirdiyinə görə su problemi ilə təkcə o üzləşməyib, rayonda xeyli sayda yerli sakin və fermerlər də bu problemdən ciddi əziyyət çəkir.
    Göründüyü kimi isti yay günlərində insanlar su imtahanına çəkilib. Yerli məmurlar və aidiyyatı qurumlar problemin həlli ilə məşğul olmurlar. Halbu ki, dövlət büdcəsindən hər il Meliorasiya və Su Təsərrüfatı ASC- nə böyük həcmdə vəsaitlər ayrılır. Amma görünən odur ki, bu vəsaitlər aidiyyatı üzrə xərclənmir. Xərclənsəydi İmişli rayonunda və digər ətraf bölgələrdə insanlar su problemindən əziyyət çəkməzdi. Bu bölgədə illərlə arxların, su kanallarının qazılmaması, drenaj sisteminin bərbad vəziyyətdə olması, su təsərrüfatının düzgün idarə olunmaması bölgədə ciddi problemlər yaradıb. Məhz bu səbəbdən İmişlidə 1000- lərlə hektar torpaq əkilmir və ilbə il şoranlaşır. Yararsız hala düşür, məhsuldarlıq sıfıra enir. Görəsən əkin sahələrinin məhv olması, suvarma sistemlərinin sıradan çıxması, su təsərrüfatının düzgün idarə olunmaması bu sahəyə baxan Meliorasiya və Su Təsərrüfatı ASC-nin sədri Əhməd Əhmədzadəni narahat edirmi? Axı illərdir bu sahəyə milyardlar ayrılır, müasir texnikalar alınır. Görəsən bu pullar hara xərclənir? 2010- cu ilin yazında baş vermiş Kür- Araz daşqınlarının acı fəsadlarını nə tez unutduq. Axı həmin daşqınların baş verməsinin bir səbəbi də ölkədə su təsərrüfatının düzgün idarə olunmaması və çayların, su kanallarının lildən təmizlənib qazılmaması ilə bağlı idi. Bu sahəyə milyardlar ayrılmasına baxmayaraq...
    P. S. Mövzunu diqqətdə saxlayacayıq. Qarşı tərəfin mövqeyini dərc etməyə hazırıq.
    7GUN.az


Xəbər lenti

Oqtay Gülalıyevdən Mirəlioğluna çətin suallar...

Azərbaycanda toplaşmaq azadlığı müntəzəm olaraq pozulur- araşdırma nəticələri

Hüquq müdafiəçisindən "jurnalistə" tərs şapalaq

Məhkəmə vəzifəli şəxslər barəsində xüsusi qərar çıxarılması barədə xahişi təmin etməyib

Jurnalistin səhhəti kritikdir

Oktay Gülalıyev Yalçın İmanovu təbrik etdi

“Nəzrə almağınızı xahiş edirik”

Baş Prokurorluq Polad Aslanovun şikayətini araşdırır

Oktay Gülalıyev: "Bu “mübarizə” bumeranq təsiri yaradır…"

Beyləqanda Suvarma Sistemləri İdarəsi özəl mülkə çevrilib? – Ölü canlar, satılan qoyunlar, daha nələr…

Ombudsman aparatının nümayəndələri təcridxanada aclıq edən jurnalistlə görüşüb- AÇIQLAMA

Knut OlavAmos: “Regionda mətbuat azadlığı sahəsində vəziyyət o qədər acınacaqlıdır ki...”

Məhkəmə zalında olan Penitensiar Xidmətin əməkdaşları gözyaşardıcı qazdan istifadə etdilər -VİDEO

7 kəndin 70 dərdi: UÇMUŞ KÖRPÜ, ƏLDƏN ÇIXMIŞ TORPAQ VƏ EVLƏRƏ SOXULAN İLANLAR

Masallı Regional Meşə Təsərrüfatında Şahin Cəfərov Abturab Bağırov qanunsuluqları -(FOTOLAR)

Etirazlar zamanı bir çox jurnalistlər yaralanıblar -Gürcüstanda

Reportyor dövlətə xəyanət ittihamı ilə ömürlük həbs edilə bilər -Sərhədsiz Reportyorlar

Keçid dövründə Güc və Hakimiyyət

Cavid Şirəliyev Mətbuat Şurasına cavab verdi

Hakimiyyətin yüksək eşelonunda son dəyişikliklərin arxasında nə durur?

Cavid Şirəliyev: "Araşdırmaçı və tənqidçi jurnalistlərin bir çoxu ölkədən didərgin salınmışlar"

İlham Əliyev Vladislav Kanevskinin etimadnaməsini qəbul edib

Saatlı Rayon İcra Hakimiyyətinin başçısı vəzifəsindən azad edilib

Təqvim

«    Avqust 2019    »
BeÇaÇCaCŞB
 1234
567891011
12131415161718
19202122232425
262728293031 

Bizi izləyin

Təsisçi və baş direktor: Cavid Şirəliyev
Baş redaktor: Vidadi Sultan
Tel/Whatsapp: (+99450) 300-17-96
E-mail: 7gun@mail.ru
Ünvan: Bakı şəhəri, Nəsimi rayonu, A.Məhərrəmov küçəsi 30/14
© 2011. Bütün hüquqları qorunur. Məlumatlardan istifadə etdikdə istinad vacibdir.
Məlumat internet səhifələrində istifadə edildikdə müvafiq keçidin qoyulması mütləqdir!