ABŞ-ın Azərbaycandakı keçmiş səfiri Metyu Brayza belə deyib

"Azərbaycan ABŞ üçün ən strateji ölkələrdən biri olaraq qalır".
Bu sözləri ABŞ-ın Azərbaycandakı sabiq səfiri Metyu Brayza Türkiyənin nüfuzlu “Hurriyet Daily News” qəzetinə müsahibəsində bildirib. M.Brayza qeyd edib ki, səfir kimi namizədliyinin təsdiqlənməməsinin səbəblərinin rəsmi Bakı ilə heç bir bağlılığı yoxdur. Geri çağırılmasının səbəblərindən biri ABŞ-ın prezident seçkilərinin astanasında olmasıdır.
Diplomat vurğulayıb ki, erməni lobbisinin ABŞ-ın Azərbaycan və Türkiyə ilə sıx münasibətlərini zəiflətmək imkanı yoxdur.