Bizə tarixlə üzləşmə tövsiyəsini verənlər əvvəlcə güzgüyə baxsınlar"

Fransa prezidenti Nikola Sarkozi Ermənistana səfəri çərçivəsində verdiyi açıqlamada Türkiyəni soyqırımı tanlmamaqda ittiham etmişdi. Sarkozinin bu açıqlamasından dərhal sonra rəsmi Bakıdan dərhal cavab gəldi. Prezident Administrasiyasının İctimai-siyasi şöbənsinin müdiri Əli Həsənov Sarkozinin Türkiyə ilə bağlı dediklərini bölüşmədiklərini və rəsmi Bakının Türkiyə və Azərbaycan maraqlarına toxunan bütün məsələlərdə, istər beynəlxalq proseslər, istərsə də Cənubi Qafqazdakı hadisələrlə bağlı daim iki dövlətin maraqlarını üstün tutduğunu söylədi.
Türkiyənin xarici işlər naziri Əhməd Davudoğlu da Sarkozinin bu yersiz iddialarına və təhdidinə cavab verib.
Nazir bu cür açıqlamaları siyasi oportunizm hesab etdiklərini deyib: "Təəssüf ki, Avropada seçki atmosferinə girildiyi zaman bu cür siyasi oportunizmləri görürük. Bu açıqlamaların Fransanın daxili siyasətindəki mənzərə ilə bağlı olduğunu düşündürük. Olduqca yanlış açıqlamadır. Türkiyə ilə Ermənistan arasında başlayan və bəzi ləngimələrə baxmayaraq davam edən prosesə də mənfi təsir göstərəcək davranışdır. Bu cür açıqlamaların sülh prosesinə töhfə verəcəyini düşünmək mümkün deyil. Biz bu tarixlə üzləşərik. Müstəmləkəçi keşmişi olan hər hansı dövlətin və ya cəmiyyətin Türkiyəyə dərs vermə kimi bir mövqe sərgiləməyə haqqı yoxdur. 1915-ci ildəki acıların hamımızın acısı olduğunu dəfələrlə vurğuladıq. Bizim bu məsələdə qocunacaq bir şeyimiz yoxdur. Bizə tarixlə üzləşmə tövsiyəsini verənlər əvvəlcə aynaya baxsınlar".


7GUN.AZ