Gizli keçirilən görüşdə Şura üzvləri, Suriyadakı hadisələr haqqında fikir və düşüncələrini türkiyəli nazirlə bölüşüblər

Türkiyə mətbuatı xarici işlər naziri Əhməd Davudoğlunun dünən axşam saatlarında Suriya müxalifətçilərindən təşkil olunmuş Suriya Milli Şurasının nümayəndələrini gizli qəbul etdiyini yazıb.

Bu ölkənin haber7.com portalı diplomatik mənbələrə istinadən bildirir ki, Ərəb Birliyinin Davudoğlu ilə görüşməsindən sonra Suriyalı müxaliflər Ankaraya dünən gəliblər.

Davudoğlu ilə SMŞ təmsilçiləri arasında aparılan danışıqlarda görüşdə Şura üzvləri, Suriyadakı hadisələr haqqında fikir və düşüncələrini türk nazirlə bölüşüblər. Ərəb Birliyindən görüşlər aparmaq üçün dəvət aldıqlarını bildirən nümayəndələr, Qahirə təmasları haqqında da fikir mübadiləsi aparıblar.

Mənbə onu da qeyd edib ki, Davudoğlu Suriya müxalifətinin əsas hüquq və azadlıqlara söykənən demokratik bir nizam qurulmasını müdafiə etdiklərini dilə gətirib. Nazir həm də vurğulayıb ki, müxalifətin birliyinin qorunması və Suriyada demokratik transformasiya üçün sülh yolu fəaliyyət göstərmələri daha vacibdir.

7GÜN.AZ