“Türkiyə Azərbaycanla çiyin-çiyinə mübarizə aparacaq”

Dağlıq Qarabağ işğaldan azad olunana qədər Türkiyə Azərbaycanla çiyin-çiyinə mübarizə aparacaq. Bunu Türkiyənin Baş naziri Rəcəb Tayyib Ərdoğan İzmirin Əliağa bölgəsində yeni neft emalı zavodunun təməlqoyma mərasimində çıxışı zamanı deyib. Baş nazir bildirib ki, Azərbaycan və Türkiyənin istəyi regionda sülhün və sabitliyin bərqərar olmasından başqa bir şey deyil. Məlumatı TRT-Xəbər kanalı yayıb. Azərbaycan Prezidenti İlham Əliyev təməlqoyma mərasimində iştirak edir.
Trend