Hakimiyyət ərəb ölkələrində baş verən hadisələr və Qərb mətbuatının Azərbaycandakı siyasi vəziyyəti diqqətdə saxlamasından narahatlıq keçirirərək daxildə “təmizlənmə” kampaniyasına qərar verib


Ölkədə siyasi durum getdikcə mürəkkəbləşir. Kütləvi aksiyalar zamanı həbs olunnmuş vicdan məhbusları ilə yanaşı, son günlər media nümayəndələrinin də müxtəlif yollarla həbs edilməsi ölkədə siyasi ab-havanın nə qədər ciddi olduğundan xəbər verir.
7GUN.AZ-a daxil olan məlumata görə, hakimiyyət antikorrupsiya və “təmizlənmə” planının yenidən işə salıb. Ancaq bu dəfə hədəfdə siyasi partiya mənsubları və media nümayəndələri də yer tutur.
Ötən gün “Xural” qəzetinin baş redaktoru Əvəz Zeynallının həbs olunmasının da bu planın tərkib hissəsi olduğunu deyən mənbə bildirir ki, qarşıda daha iriçaplı həbslər gözlənilir. Mənbə onu da bildirir ki, bu siyahıda bəzi məmurların da adı yer alıb. Hakimiyyət ərəb ölkələrində baş verən hadisələr və Qərb mətbuatının Azərbaycandakı siyasi vəziyyəti diqqətdə saxlamasından narahatlıq keçirirərək daxildə də “təmizlənmə” kampaniyasına qərar verib. İlin sonuna kimi bir neçə nazirin, nazir müavininin və icra başçısının postundan uzaqlaşdırılacağını deyən mənbə iddia edir ki, artıq həmin nazir və məmurların bəzilərinə xəbərdarlıq da edilib.

7GUN.AZ