Daha bir oliqarxın övladı Qərbdə lobbiçiliyə girişdi

Anar Məmmədov erməni lobbisinə qarşı işləmək və Vaşinqtonla münasibətləri yaxşılaşdırmaq üçün artıq 2,4 milyon dollar ayırıb; lakin Azərbaycan hakimiyyətinin insan haqları məsələsindəki mənfi imici onun planlarına mane ola bilər
Azərbaycan hakimiyyətində yüksək post tutan daha bir oliqarx-milyarderin oğlu Qərbdə siyasətə və lobbiçilik işlərinə girişib. Bu dəfə nəqliyyat naziri Ziya Məmmədovun oğlu, nazirin ailəsinə məxsus “ZQAN-Holdinq”in rəhbəri və indiyədək adı mətbuatda əsasən əyləncə məclislərinə görə çəkilən Anar Məmmədov dünyanın super dövlətinin siyasi çevrələrinin qərarlarına təsir etmək üçün pul xərcləmək qərarına gəlib.