Rəsmi Bakı: İrəvan yekun sülh sazişi üzərində işləməyə vadar edilməlidir

Bu barədə Azərbaycan XİN-in 2011-ci ilin yekunları üzrə hesabatında deyilir

Azərbaycan tərəfi regionda davamlı sülh, təhlükəsizlik və əməkdaşlıq mühitinin bərqərar olmasına şərait yaradacaq Ermənistan-Azərbaycan münaqişəsinin ədalətli həlli istiqamətində, dünya birliyinin daha qətiyyətli və ardıcıl mövqedən çıxış etməsi və Ermənistanı beynəlxalq birliyin nüfuzlu üzvləri olan ATƏT-in Minsk Qrupunun həmsədr ölkələrinin təklif etdiyi başlıca prinsiplər əsasında münaqişənin bir dəfəlik həllini nəzərdə tutan yekun sülh sazişi üzərində işə başlamasına vadar etməsinə ümid bəsləyir. ANS PRESS-in məlumatına görə, bu barədə Azərbaycan XİN-in 2011-ci ilin yekunları üzrə hesabatında deyilir. Hesabat nazirliyin mətbuat xidməti tərəfindən yayılıb.