Cəlilabad sakini həmkəndlilərini aldadaraq 1500-2000 manat pul alıb

Saxta tələbə biletinin verilməsi ilə əlaqədar olaraq cinayət işi başlayıb. Bu barədə 7GUN.AZ-a Daxili İşlər Nazirliyinin mətbuat xidmətindən məlumat verilib.
Məlumata görə, cari il iyunun 14-də Cəlilabad rayon Polis Şöbəsi əməkdaşları tərəfindən rayonun Sabirabad kənd sakini Əsgərağa Sadatovun həmkəndlisi Ruslan İmanovun və Cəlilabad şəhər sakini Zaur Abdullayevin etimadlarını qazanaraq kollecə qəbul etdirəcəyi adı ilə onlara saxta tələbə bileti verməsi və müvafiq olaraq onlardan 1500 və 2000 manat pul alması müəyyən edilib.
Faktla əlaqədar Cəlilabad rayon Polis Şöbəsində cinayət işi başlanıb.

7GUN.AZ