Xəzərin o üzündən gələn aclıq təhlükəsi
Qazaxıstanda başlayan inqilabi proseslər bizi də “vurur”; ölkəmizə taxıl gətirilən əsas liman şəhəri Aktauda da ara qarışıb; rəsmi Bakı narahatdır...

Dekabrın 16-da Qazaxıstanın Manqistau vilayətində başlayan etiraz dalğası və kütləvi iğtişaşlar artıq ölkənin digər regionlarına da yayılıb. Dünən Manqistau vilayətində (yeri gəlmişkən, Qazaxıstan mənbələrinin məlumatlarına görə, Manqistau vilayətində 15 minə yaxın azərbaycanlı yaşayır) Azərbaycan üçün də çox şeyi ifadə edən, ölkəmizdən ötrü strateji bir şəhər olan Aktauda da mitinqlər başlayıb.