Ötən axşamdan yağmağa başlayan qarın hündürlüyü artıq 1 metrə yaxınlaşıb

Lerikə güclü qar yağıb. Ötən axşamdan yağmağa başlayan qarın hündürlüyü artıq 80-90 santimetrə çatıb. Qarın ağırlığından Şingə-dulan kəndindəki elektrik yarımstansiyası qəza vəziyyətinə düşüb, onlarla elektrik dirəyi aşıb, naqillər qırılıb. 70-ə yaxın kənd işıqsız qalıb. Güclü qar həmçinin nəqliyyatın hərəkətini də iflic vəziyyətə saldığından yaşayış məntəqələrinin bir-biri ilə əlaqəsi kəsilib. Qar digər bölgələrdə də ciddi fəsadlar törətməsə də, bəzi çətinliklərə səbəb olub.