Hazırda 150 minə yaxın nömrə resursu boşdur

Azərbaycan Rabitə və İnformasiya Texnologiyaları Nazirliyinin Bakı Telefon Rabitəsi İstehsalat Birliyi (BTRİB) telefon çəkilişi üçün xərclərə 50% endirim edəcək. Nazirlikdən verilən məlumata görə, BTRİB «Azərbaycanın Dövlət Müstəqilliyinin 20 illik» yubileyi və «Azərbaycanda telefon rabitəsinin yaranmasının 130 illiyi» ilə əlaqədar oktyabrın 1-dən dekabrın 10-dək texniki imkan olan kabelləşdirilmiş köhnə və yeni (yeni kabelləşdirilən binalardan və hava rabitə xətləri olan ərazilərdən başqa) binalarda əhali və təşkilatlara 1-ci və 2-ci telefon 50% güzəştli tariflə, 2 ədəd telefon çəkənlərə isə 3-cü telefonu pulsuz çəkmək üçün kampaniya keçirəcək. Qeyd edək ki, BTRİB-in ATS-lərində istifadəçilərə müasir telefon rabitəsi xidmətlərinin göstərilməsi üçün quraşdırılmış tutumlardan hazırda 150 minə yaxın nömrə resursu boşdur.

Bizimxeber.com