HİV daşıyıcısının yeni məskəni Masazırdakı “Ağ Hotel” İstirahət Mərkəzidir


Ölkədə adı İstirahət Mərkəzi olan, amma əxlaqsızlıq yuvası kimi fəaliyyət göstərən məkanlar çoxdur. Onların bir çoxu hüquq-mühafizə orqanları tərəfindən görülən tədbirlər nəticəsində aradan qaldırılsa da, problem hələ də qalmaqdadır. Bu “istirahət mərkəzləri” əxlaqsızlıq yuvaları olmaları ilə yanaşı, həm də cəmiyyətə HİV daşıyıcıları ixrac etməkdədirlər. Bu gün cəmiyyətin bəlasına çevrilən QİÇS xəstəliyinin mənbəyi elə bu əxlaqsızlıq yuvalarıdır. Lakin bir çox obyektlərdə olduğu kimi bu “istirahət mərkəzləri”nin əksəriyyətinin arxasında məmur tayfası dayanır. Ona görə də, arxayın şəkildə fəaliyyətlərini davam etdirirlər.
Bir vaxtlar bütün ölkə HİV daşıyıcısı 17 yaşlı Elnarə Əhmədovadan danışırdı. Daşıdığı xəstəliklə yüzlərlə insanı xəstəliyə yoluxduran bu qız sonradan hüquq-mühafizə orqanları tərəfindən saxlanılaraq, cəmiyyətə təqdim edildi. Hətta onun özü də dindirilmə zamanı etiraf etdi ki, virus daşıyıcısı olduğu zaman yüzlərlə kişi ilə cinsi əlaqədə olub. Lakin həmin şəxslərin HİV-ə yoluxub yoluxmadığı ilə bağlı müayinələr aparıldı və son anda onların heç birində virusun əlamətlərinin olmadığı elan edildi.
İndi də Elnarə Əhmədovanın yeni məkanı məlum olub. O zaman ölkənin bəlkə də ən təhlükəli insanına çevrilən 17 yaşlı qız, bu gün paytaxtda tam sərbəst şəkildə gəzib dolaşır. Həmin vaxt mətbuatda şəkli nümayiş olunan Elnarəni bəlkə də indi çoxları unudub.
Əvvəllər şəhərin mərkəzində fəaliyyət göstərən HİV daşıyıcısı indi, bir qədər kənarlara, gözdən uzaq yerlərə çəkilməyə başlayıb.
Masazır qəsəbəsin yerləşən “Ağ Hotel” İstirahət Mərkəzi E.Əhmədovanın yeni görüş yerinə çevrilib. İstiharət Mərkəzi kimi tikilən, lakin sonradan əxlaqsızlıq yuvasına çevrilən “Ağ Hotel” burada Elnarə kimi onlarla virus daşıyıcısını saxlayır. Özü də onların cəmiyyət üçün təhlükə mənbəyi olduğunu bilə-bilə. Həmin Elnarə də Ağ Hoteldə çalışır.
Bir neçə il bundan əvvəl hüquq-mühafizə orqanları tərəfindən saxlanılan Elnarə indi, açıq-aşkar hamının gözü qarşısında gəzib-dolanır. Heç kim də ona bir söz demir. Çünki həmin istirahət mərkəzi məmurların nəzarəti altında işləyir. Mənbə bildirir ki, həmin İstirahət Mərkəzinin də himayəçisi Abşeron Rayon Polis İdarəsinin rəisi Namiq İsmaylovdur. Məlumata görə, məhz onun sayəsində Ağ Hotelə dəyib dolaşan olmur. Məsələ ilə bağlı araşdırmalarımız davam edir.
Qarşı tərəfin də mövqeyini dərc etməyə hazırıq.

Mövzunu davam etdirəcəyik.

7GUN.AZ