“Xəzər Lənkəran”ın müdafiəçisi Elnur Allahverdiyevin “Neftçi” haqqında bildirdiyi fikirlər komanda üzvləri tərəfindən narazılıqla qarşılanıb.


“Neftçi”nin yarımmüdafiəçisi Rəşad Abdullayev bu haqda “Qafqazinfo”ya açıqlama verib: “Düzünü desəm, mən kimisə müzakirə etməyi sevmirəm. Elnur Allahverdiyev futbolçu həmkarımdır və milli komandanın da üzvüdür. Ona hörmətlə yanaşıram. Lakin bir klub haqqında belə ifadə işlətmək düzgün deyil. O özü də əvvəllər “Neftçi”də çıxış edib. Mən bu gün “Neftçi”nin futbolçusuyam, nə vaxtsa başqa komandaya keçsəm, heç vaxt “Neftçi” haqda belə danışmaram. Yəqin, Elnurun “Neftçi” ilə prinsipi var”.