Futbolçu zədəsini sağaltmaq üçün İstanbula yollanıb

Əfran İsmayılov “Qarabağ”ın düşərgəsini tərk edib. ANS PRESS-in “Qarabağ” futbol klubuna istinadən verdiyi məlumata görə, futbolçu zədəsini müalicə etmək üçün Türkiyənin İstanbul şəhərinə gedib. Futbolçunun 3 gün ərzində İstanbulda həkimlərin nəzarəti altında olacağı bildirilir. Əfran İsmayılov bu günlər ərzində həkim nəzarəti altında xüsusi çalışmalar yerinə yetirəcək. 23 yaşlı futbolçunun yanvarın 31-də “Petrolul Ploiesti” – “Qarabağ” yoldaşlıq matçınadək yetişəcəyi gözlənilir.