7GUN.Az-ın məlumatına görə, bu gün 2 boksçumuz olimpiadaya lisenziya qazanıb.

Bakıda boks üzrə dünya çempionatı davam edir. Idman Konsert kompleksində keçirilən yarışda azərbaycanlı boksçular uğurlu çıxışı ilə yadda qalıb. son olaraq rinqə çıxan Məhəmmədrəsul Məcidov (+91 kq) kolumbiyalı İsayya Menanı ilə qarşılaşıb. İlk raundda boksçumuz 7:2, ikinci raunda 11:4 hesablı qələbə qazannan idmançımız üçüncü raundda rəqibini nokdauna salaraq təmiz qələbə qazanıb. Bununlada milli komandamızın üzvü 1/4 final mərhələsində mübarizə aparacaq.
52 kq-da yarışan Elvin Məmişzadə monqolustanlı Tuqtsoq Nyambayaru ilə döyüşdə rəqibini məğlub edərək 1/4 fianl mərhələsinə və olimpiadaya vəsiqə qazanıb. Döyüş 17:14 hesabı ilə E.Məmişzadənin xeyrinə başa çatıb. 64 kq çəki dərəcəsində yarışan boksçumuz Heybətulla Hacıəliyev özbəkistanlı Sanyarbek Rahmanovu məğlub edərək 1/4 final mərhələsinə vəsiqə qazanıb və bununla o da London Olimpiadasına vəsiqəni təmin edib.
Daha bir idmançımız Ramil Əliyev (81 kq) ukraynalı Aleksandr Qvozdyukla qarşılaşıb. İlk raundda idmançımız 5:4 hesablı qələbə qazanıb. İkinci raundda isə ukraynalı boksçu 11:10 qalib gəlib. Üçüncü raundda daha üstün olan rəqib idmançı 17:15 hesablı qələbə qazanaraq növbəti mərhələyə yüksəlib.
91 kq-da mübarizə aparan Azərbaycan boksçusu Teymur Məmmədov macarıstanlı Jozef Darmosu məğlub edərək növbəti mərhələyə adını yazdırıb.
Digər döyüşçümüz Salman Əlizadə (49 kq) uduzaraq yarışla vidalaşıb.