Avstriyalılar Bakıda yığma komandanı darmadağın etdilər

AÇ-2012-nin seçmə mərhələsi çərçivəsində Azərbaycan milli komandası dünən növbəti görüşünə çıxıb.
Berti Foqtsun komandası bu dəfə doğma azarkeşləri önündə Avstriya millisi ilə qarşılaşıb.
Səfərdə keçirilən oyunda rəqibinə 0:3 hesabı ilə uduzan millimiz bu məğlubiyyəti unutdurmaq niyyətində idi. Belçika və Qazaxıstanla görüşlərdən 4 xalla ayrılan yığmamızın Avstriya qarşısında necə təsir bağışlayacağı böyük maraq doğururdu.
Hazırda 7 xalla turnir cədvəlinin 5-ci pilləsində qərarlaşan millimiz Avstriya yığmasında cəmi 1 xal geri qalırdı. Bu axşam rəqibini məğlub etməklə seçmə mərhələ tarixində ilk dəfə olaraq 4-cü pilləyə yüksələ bilərdik. Lakin təəssüf ki, ilk oyunda olduğu kimi, millimiz yenə darmadağın olub - 1:4.


7GUN.AZ